1 Timoteo 1:13 - Biblía Axweesantá Hhohho' ar Mungú 2004

¹³ anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.

Ya/abtór hho' 1977

¹³ aniídá' aáng geeraawo inós ugwa /ooslaasliim, nee ugwa gusiisiim, nee ugwa slahhe'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.

1 Timoteo 1:13 Iomraidhean Croise

HOSEA 2:23

Aníng yaamaá Yesre'eli in diihhooatís, heedaádá' taa gurtlayká aníng u gurtláw, mukduú aáng kwe'eeneeká ngway baw, ‹Muk'eé'.› Inooín tari ooi, ‹Kuúng an Munguúrén.› »

TLAHHOÓ LAÁWI 13:16

Ala barnaxes inkaahhaydá' duwumiís aa warqáy, iri /awaakúy, heedaádá' i ki/i amór kaahamusmoó Mungú.

FAARO 15:30

«Ala barnaxes hee iwa dakuusi ina tsabín a dakuús ar pa/aayorooká. Inós bar an yaamuloousmo, laqaá hoomo, inós gár kuwa hariím a gaasa. Asma inós AAKOÓ MUNGÚ gun waaqaqaa'.

Luka 12:47

«Sagadiyusmoodá' gár aakoowós i slai ga xuu', aluuwo inós tiri amohhe'eesiiká, laqaá slám adoodá' aakoowós i slai gari tleehhiiká, inós ku kángw kilá' wa muúx.

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.

Tlehhema'aá ya/Abuuse 22:4

Múk loohír Aako ga eeharahár nguri slahh'eemiís, nee sleeme nguri tsuú/, ina tsegiít, ngiri dahamiís baraá doó tseegamo, hhawaate nee /ameenaaro.

Tlehhema'aá ya/Abuuse 3:17

«Ala hám daxta, hhaee'eé', aníng a xuú' adór tidá' kara tlehhé' as xuawaslerhúng, adoodá' geeraharuuserhúng aa tléhh sleeme.

Tlehhema'aá ya/Abuuse 8:3

Ala Saulo múk kríshaanáy guri gusiisín. Iri daráh baraá umuúqo do'o, hhawaate nee /ameenaaro giri duuruxún, giri dahamiís baraá doó tseegamo.

Tlehhema'aá ya/Abuuse 9:1

Qoomaadae Saulo iri kumiít eeharuusér Aako ngiwa dae tlaaqi, nee adór ngir tsu/i gari leelehhiít. Iri daqáy dír kaahamusmoó úr oo Mungú.

Tlehhema'aá ya/Abuuse 9:13

Ala Anania iri oó', «Aáko, kángw heesíng aníng ugwa axmamiís dír múk yaariire, adór heewí muruú tlákw ngura tlehhahhiít dír mukók oo hhohhó' oo baraá Yerusalemuro.

Tlehhema'aá ya/Abuuse 9:5

Saulo iri oó', «Kuúng a heemá, Aáko?» Heedaádá' iri oó', «Aníng an Yésuudá' kuúng ta slahh'eemis.

1 Korinto 15:9

Asma aníng a heé niiná dír ya/abuuseero. Slám a hariimaaká tiwa babay ya/abusmo, asma aníng múk Mungú una slahh'eemiís.

1 Korinto 7:25

Ala gawaá daanduú /amaatliiteero aníng hara'ayár Aako ar ni koom i káhh. Ala gaarí ni oo' a adór aníng ni ga/aw. Asma aníng a heé taa gurtleemuú i haniís nee Aako, tawa heé muruú ló' káh.

Galatia 1:13

Án ngi slaá' kuungá' kangw'eé' ugwa axsé', adór nira hoót qoomaadá' án tawa heé diínír Yahudi. Aníng múk kríshaanáy una ló'wa slahha'eemiís, tam guruueé' aa tlayká. Ilakaaharu una tleéhh as ngiwa qwaareesár wa slaa'.

Filipi 3:6

Ilakaaharu una ló'wa tleéhh gawaá daanduú hara'aya ooharo, tam múk kríshaanáy nguri slahh'eemiís. Geera barnaxes hotaá ganaa'á' kin slaslaya ar hara'aya boo/eesa, geera alók aníng ti xaslxaansli wásl.

1 Timoteo 1:16

Gawaá adoorihe gaarí an gár án gurtleemu ngusa sláw, as Yesu Kristo qiqtliingós nguwa laqán dir'eé' alé, aniíduú tlakusmoó úr, as aníng niwa slaqsaay tleehhiit dír mukduú hatlá' oo aluú wa haratlintiia, nee slafíngw alhhe'eesay wásl kuwa slay.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

1 Petro 2:10

Asma kuungá' aáng geeraawo a xooroorooká, ala hám daxta a xoorór Mungú. Kuungá' aáng gurtleemuú Mungú ugwa sleeri'iiká, ala hám daxta gurtleemu ugwa sleeré'.