1 Timoteo 1:12 - Biblía Axweesantá Hhohho' ar Mungú 2004

¹² Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

Ya/abtór hho' 1977

¹² Aníng Kristo Yesu Aakoorén un sluufimiís, kudá' aníng iga /uuruú i haniis. Slám un sluufimiís asma aníng ina harafaár tawa heé inkihhimuú koóm, iri qaás baraá gadiyeérós i alé,

1 Timoteo 1:12 Iomraidhean Croise

Matayo 20:4

Inós giri báy, ‹Tlawsé' kuungá' sleeme, gadiyeé awaagáy baraá qaymor'eé' ar sabiíbu. Bu'utuuhúng oo hariím án ngu haniís.›

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Tlehhema'aá ya/Abuuse 16:15

Inós baatisaro kawa hhe'eés nee múk do'ose, tiri harhheehhe'és iri ó', «Kuungá' bar aga aandé' aníng Aako ugwa haratlintií', qwalaasé', hooté' baraá dooeé' wa ale.» Tiri harakés.

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Tlehhema'aá ya/Abuuse 9:22

Saulo ina kumiít ar pihh'uuma axweesantá Mungú alki/ituuwo, múk Yahudi oo Damaskórí dirií', gurir baá/, ngiwa laqaqan adór, ‹Yesu tar Kristo.›

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

1 Korinto 7:25

Ala gawaá daanduú /amaatliiteero aníng hara'ayár Aako ar ni koom i káhh. Ala gaarí ni oo' a adór aníng ni ga/aw. Asma aníng a heé taa gurtleemuú i haniís nee Aako, tawa heé muruú ló' káh.

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

Galatia 3:26

Asma kuungá' sleémeero a na/aá Mungú asma Yesu Kristo ugwa haratlintié'.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Filipi 2:11

Nee umuúqo heewo i ooi, «Yesu Kristo a Aako,» as Mungú Baabá kuwa xirfayeesi.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Kolosai 1:25

Mungú aníng ina sagadiyusmoó múk kríshaanáy wa qaás. Gadiyér afhhamít ngina aníng i saayín as kuungá'. Gadiyeérí an Ya/abtór Mungú ngiwa gwa/atisa hhe'ees dirhúngií ale.

1 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu kuduú harahhifoorén.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

1 Timoteo 6:13

Án kuúng u hara'ayiím dír geeraá Mungú wa ale, kudá' mura' sleémeero gu slafíngw i hanmiís, nee dír geeraá Kristo Yesu, kudá' lamabu'uungós oo hhohhó' gwa oo' dír geeraá Pontio Pilató wa ale. Án kuúng un adoorír hara'ayiím.

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

Filemoni 1:9

Ala án kuúng u firiím adoorí kawa tlehh ar sla'aari. Anuú Paulo a aako, nee slám a baraá tsegma as Kristo.