1 Timoteo 1:1 - Biblía Axweesantá Hhohho' ar Mungú 2004

¹ Anuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu kuduú harahhifoorén.

Ya/abtór hho' 1977

¹ Ánuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu haraxu'utirén.

1 Timoteo 1:1 Iomraidhean Croise

WARA'AMI 106:21

Munguúdá' gaa ba/amis ngwa gunqareesiyé', kudá' muruú waa/oo/amo gwa tleehh baraá Misrír wa ale,

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 43:11

Aníng kilooeé' an AAKOÓ MUNGÚ, ba/amusmoó hatlá' i kaahh aqo har án kilooeé'.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

HOSEA 13:4

Aníng a AAKOÓ MUNGÚ, Munguúhúng, kudaádá' naa tuu/ imiír baraá yaamaá Misrír wa ale, ala Munguú hatlá' ta xu' i kaahh, aqo har aníng kilooeé'. Ba/amusmoó hatlá' i kaahh.

Luka 1:47

nee qeeruueé' in Munguú saqwalalaa/, Ba/amusmooeé',

Luka 2:11

Asma laarí baraá gixsár Daudiwo ba/amusmoohúng kwaa laqwaál, inós an Krístó Aako.

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

1 Korinto 1:1

Anuú Paulo barwaárí ngina gooiím. Aníng tina ateét tawa Ya/abusmoó Yesu Kristo ar adoodá' Mungú aa slaá'. Aníng nee hhiyaarén Sostene barwaárí ngina gooiimaán

1 Korinto 9:17

Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

2 korinto 1:1

Anuú Paulo barwaárí ngina gooiím dinkwa nee Timoteo hhiyaarén. Aníng a ya/abusmoó Kristo Yesu ar adoodá' Mungú aa slaá'. Barwaárí ngina amorhúngií gooiimaán, kuungaásingá' kríshaanáy, kuungaásingá' Mungú ugwa haratlintie' awa baraá yaamaá Korintór i diriia'. Barwaárí ngina dirhúngií gooiimaán, nee dír múk hhohhó' oo Mungú, kudá' sleémeero oo baraá yaamaá Akayár i dirií'.

Galatia 1:1

Anuú Paulo barwaári ngina gooiím. Aníng a ya/abusmo. Aníng múk iga ya/aaw i kaahh, laqaá heé iga ya/abusmoó wa qaas tleehh i kaahh. Ala án heé iga ya/abusmoó wa qaas a Yesu Kristo inósuú kilá'. Slám nee Mungú Baabá, kudá' Yesu Kristo ngwa waaslee/atis baraá múk aa qaátl wa ale.

Galatia 1:11

Hhaee'eé', aníng gár ni xu'utisár wa slaa' dirhúngií aleeró a tí, Ya/abtoodá' hho' naa dirhúng i alki/iít a gár hee aa iimu/uniká.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

1 Timoteo 2:3

Adoorí ka hhoo', slám Mungú Ba/amusmoorén gu sla'atimís.

1 Timoteo 2:7

Nee aníng tina qaás tawa alki/itusmoó kaangwí nee tawa Ya/abusmo. Tí ni kah ar ló', lamtá ni kah i káhh. Tina qaás múk xoordaá hatlá' nguwa intsaahhatimis daanduú haratlintaao nee looeemaawo.

1 Timoteo 4:10

Gaarí an gár atén tas daawimiitaan nee tas ló'wa gadiyuusaan, asma haraxu'utirén aga qaasaán gawaá Munguúdá' slaáf. Inós a Ba/amusmoó muu sleémeero, ak alé oo mukdá' gwa haratlintii'.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Tito 2:10

slám muruú bariiser'ín munguwa fisisiín. Ala inooín gár kiwa hariím masók inkihhimu ngun laqaqaná' umuúqo deelooro, as intsaahhatimisuú Mungú Ba/amusmoorén kuwa xirfayeemisi baraá umuúqo gár i tleehhiia.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Tito 3:4

Ala qoomár hhooeemaá Mungú Ba/amusmoorén kiwa geehhooeés, nee sla'aarirós,

Tito 3:6

oo yaariír, kudá' naa atén i ku'uús, ar loohír Yesu Kristo, Ba/amusmoorén.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

1 Yohana 4:14

Atén aga araán kay lamabu'uumaán adór, Baabá Garma ngura ya/aáw tawa Ba/amusmoó yaamu.

Yuda 1:25

Mungú kilós, inós a Ba/amusmoorén ar baraá Yesu Kristo Aakoorén. Xirif a kós, nee uraay, nee aleesleemu, nee /uuru, iimír iimu/úngw wa tleemu, ay hamí, tam ay alhhe'eesay wasle. Amin.