1 Tesalonike 5:8 - Biblía Axweesantá Hhohho' ar Mungú 2004

⁸ Ala ateéká' múk tlaatla/aangw, atén masók an múk qoomoó koóm. Atén masók haratlintaao nee sla'aari an da/ewár baqaán adór gaamboórén wa ale. Nee haraxu'utír ba/ama an dahaasaán adór kofiiyár gawít wa ale.

Ya/abtór hho' 1977

⁸ Ala ateéká' múk tlaatla/aangw, atén masók an múk qoomoó koóm. Atén masók haratlintaao nee sla'aari an da/ewár baqaán adór gaamboórén wa ale. Nee haraxu'utír ba/ama an dahaasaán adór kofiiyár gawít wa ale.

1 Tesalonike 5:8 Iomraidhean Croise

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:5

Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 43:5

Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

WA/AA/I 3:26

A gár hhoo' hee ba/amár AAKOÓ MUNGÚ ngiwa daamaaran ar qitla.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

2 korinto 6:7

Nee slám tin laqaqaamaán tawa sagadiyuusér Mungú ar looeema kiwa alki/iitaan, nee ar /uuruú Mungú. Hotángw ganaá' a xooslaarén ar slaqwara ar tir baqamiimaan dákw doó /iyáy nee oo basayhe.

Galatia 5:5

Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

Efeso 6:11

xooslaá slaqwarár Mungú sleémeero oohaak, daqaní al/aymár Neetlaangw ila/aaro a aleesleerá'.

Efeso 6:23

Wayda masók i dír hhae sleémeero, nee sla'aari nee haratlintaao, ar amór Mungú Baabá daahh, nee amór Aako Yesu Kristo.

1 Tesalonike 5:5

Asma kuungá' sleémeero a múk gwa/aateema, nee múk tlaatla/aangw. Atén a múk xweeraawooká, laqaá a múk giwtirooká.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.