1 Tesalonike 5:6 - Biblía Axweesantá Hhohho' ar Mungú 2004

⁶ Gawaá adoorihe atén gár tiwa hariím masók an guanaaká adoodár múk hatlá' sleémeero wa ale, ala masók an dalaa'aán nee múk qoomoó koóm.

Ya/abtór hho' 1977

⁶ Gawaá adoorihe atén gár tiwa hariím masók an guanaaká adoodár múk hatlá' sleémeero wa ale, ala masók an dalaa'aán nee tawa múk qoomoó koóm.

1 Tesalonike 5:6 Iomraidhean Croise

AXWEESANOÓ SAGALOOA 19:15

Tli/a hee gu saaqír ar eér, nee heé tli/usmo slahh'amuú qwari gu tsaaq.

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

YONA 1:6

Ala geeraharusmoó miringamoodá' Yona guri i daqáy, guri báy, «Kuúng mas gú'? Daarkiitáng, Munguúwók firiimeek, doóqa Munguúwók atén ti gurtláy as mawa qwaaraán.»

Matayo 13:25

Qoomár xweeraawo sleémeero tawa guú', wakusmo ina hardáh, sla/a gari dahaás baraá tla/ángw angaáno, iri quútl.

Matayo 24:42

«Gawaá adoorihe dalaaé', asma baalár Aakoohúng iwa hardihi a xua'aaká.

Matayo 25:13

Naagáy Yesu iri oó', «Dalaaé', asma baala a xua'aaká laqaá siiwa.»

Matayo 25:5

Heedá' duuxuuxuúm niwa adaá/, sleémeero tari gufmiís, tari guú'.

Matayo 26:38

Giri báy, «Muunaáeé' gurhaamír yaariir gwa eér ar tsaxwaá gwa'ara. Diirí wa iwiiwitaak, dalaaé' dinkwa nee aníng.»

Marko 13:37

Nee tí naa kuungá' báw tawa dala'a, an káh sleeme dír muu sleémeerowo.»

Luka 12:37

Múk amohhoó' a sagadiyuuseedá' aakooín binda hardáh i dala'amaayérí ay. Án a kah, inós in siinootín, nee sagadiyuuseedá' gari dahi'is dír muruú /ayma, gari muruú /aymárí qasmiis.

Luka 12:39

Ala xuaak, adór heé do' loó' geera siiwár fisusmo do'ós ngu gaasi birngi xuu', geera fisusmoodá' pa/aangw gu slayká oo do'odá' ngur gaasi.

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Luka 22:46

Giri báy, «Ahaá, masa gué'? Tlawé', fiririimé' asma iiara'at munduwa ar baá/.»

Tlehhema'aá ya/Abuuse 20:31

Gawaá adoorihe, kuungá' dalaaé'. Ma gunqaruutara' adór aníng kuungá' sleémeero nura hara'ayiyiím ar hhirhheeri, xweera nee tlaatla/aango, baraá kureeraá tame, slám naa baloó mawiiká.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

1 Korinto 16:13

Kuungá' dalaaé', sihhitano hhe'eesé' baraá haratlintaaorhunge. Kuungá' masók a gurkwa/á', nee masók a múk /uuruú koóm.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Filipi 4:5

Hhooeemaahúng masók i geehhoouyá' dír muu sleémeerowo. Aako naa nakaá/.

Kolosai 4:2

Kumiité' ló' wa ale baraá firooro, nee ta dal'a' baraá firooro nee baraá sluufaaywo.

1 Tesalonike 4:13

Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.

1 Tesalonike 5:10

Inós atén tina sa gwaá', as atén tawa hootaan dinkwa nee inós, barnaxes a slafaán laqaá barnaxes aga qatlaán.

1 Tesalonike 5:8

Ala ateéká' múk tlaatla/aangw, atén masók an múk qoomoó koóm. Atén masók haratlintaao nee sla'aari an da/ewár baqaán adór gaamboórén wa ale. Nee haraxu'utír ba/ama an dahaasaán adór kofiiyár gawít wa ale.

1 Timoteo 2:15

Ala /ameena ka ba/amis ar xwaylar'ín, barnaxes taa kumiít baraá slafíngw haratlintaaooro nee sla'aari nee hhoohhooeema, dinkwa nee muunuú qoomoó koóm.

1 Timoteo 2:9

Tam /ameena sleeme an hara'ayiyiím gídaabá, masók inooín a múk qoóm nee oo tsatsaa'arén as tsitay'ín. Tsitay'ín masók a tsitoó qoóm. Slám mitiwa parootusiyé' ar se'eengw kuwa hhutliiti, laqaá ar kwaslaá tlaxo gawden, nee tlabaá tlaxo gawden.

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

2 Timoteo 4:5

Ala kuúng masók tin harmagáhh baraá mura' sleémeerowo. Kuúng qiqtliím baraá slahh'amuú ta sleera. Ya/abtór hho' alki/iiteek tawa gadiyeérók. Gadiyeérók boo/eeseek.

Tito 2:12

Gurtleemuuwí atén tin intsaahhatimis tlakweema kiwa siaan, nee ilatleerír tlákw adór tidár múk aa haratlintii'iiká. Nee slám atén tawa hootaan ar danqamis nee ar hotaá ganaa'á' nee ar Mungú kuwa ilaiwawa/aan hamí baraakaá yaamuwo,

Tito 2:6

Tam masoomba sleeme naanaqeek masók a múk danqamisuú koóm.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

Geehhoeemaá 16:15

«Qaytsiít, aníng ni hardáh adór fisusmo. Heé amohhoó' a kudá' dalaá' nee oo tsitaywós gu amohhe'eemiís as miwa hi'iimiít ar /aankwets, tam muu alsi'imuuwós munguwa ár.»

Geehhoeemaá 3:2

Gawaá adoorihe, daarkiít. Slafingwdá' niiná aa meet baraawoge /uurií qaaseek dír ira faakiiká. Asma aníng tlehhemi'iiwók iga ár i ganaaiiaaká dír geeraá Munguúeene.