1 Tesalonike 5:23 - Biblía Axweesantá Hhohho' ar Mungú 2004

²³ Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

Ya/abtór hho' 1977

²³ Mungú inós u kilá', kudá' atén ti wayduú i hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeruuhúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál deeloodár Aakoorén Yesu Kristo nay hardat.

1 Tesalonike 5:23 Iomraidhean Croise

ESEKIELI 37:28

Qoomár bar aníng dír hotaaeé' aga baraá tla/angw'ínií tleéhh ay alhhe'eesay wasle, xoordu ngin tsaahhiyá' adór anuú AAKOÓ MUNGÚ, múk Israeli ngur heehhe'eemiís.»

TLAHHOÓ LAÁWI 20:26

Kuungá' masók tundu hhohhó' dir'eene, asma anuú AAKOÓ MUNGÚ ti hhoohhoó'. Aníng kuungá' nuna paraátl dír xoordaá hatlae, as kuungá' tawa kwe'eé'.

TLAHHOÓ LAÁWI 20:8

Daber'eé' oohaak, nee kawa eehada'. Asma aníng an AAKOÓ MUNGÚ kudá' kuungá' nu hhoohhooeemiís.

Luka 1:46

Maria iri ó', «Muunaáeé' adór Aako kur úr gaa tsaáhh,

Yohana 17:19

Ala aníng ti amoorók i haniís as inooín, as inooín sleeme tawa kók tleehhiti ló'wa ale.

Tlehhema'aá ya/Abuuse 20:32

«Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 15:33

Munguúduú wayduú hanmiís masók i dinkwa nee kuungá' sleémeero. Amin.

Rumi 15:5

Qitla nee gurkwa/amis amór i dahhiya' a amór Mungú. Gawaá adoorihe Mungú kuungá' nu alee/iisi as tawa hota' ar muunuú wák, ar Yesu Kristo kuwa eeharahada' ar adoodá' inós ira hoót.

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 14:33

Asma Mungú a Munguú leexwaywooká, ala a Munguú wayda. Ar adoodá' múk hhohhó' oo kríshaanáy i tlehhahhiti umuúqo diiro,

2 korinto 5:19

Gídaabárós a tí, «Mungú muu guna haraki/ís nee inós ar baraá Kristo, as muu munguwa tlakweemaaín i harafaár. Nee slám axweesantá haraki/isa ngaa qaás baraá muneeréní alé.»

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

Filipi 1:6

Gár án ni haratlintatii' a tí, kudá' gadiyér hhoo' gaa iimu/un baraá munerhunge, inós gadiyeédá' ga alhhe'ees ay bál deelór Kristo nay xeer.

Filipi 4:9

Muruudá' taa dir'eé' wa intsahhé' nee kudá' taa ilaoté' tleehhaak, tam kudá' taa aandé' nee oo taa axasé' dir'eé' wa ale sleeme. Daqaní Munguú wayduú koóm i dinkwa nee kuungá'.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

1 Tesalonike 2:19

Kuungá' ka xua' haraxu'utirén nee qwal/uurén nee slamángw xirfuurén dír geeraá Aakoorén Yesuwo qoomár inós binda hardáh, a milá ahaá, a kuungaáeéke?

1 Tesalonike 3:11

Mungú Baabá inósuú kilá' nee Aakoorén Yesu atén ti amorhúngií geerahaari.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 4:3

Mungú gár i slai a kuungá' masók an hotá' ar slafíngw hhohhó', nee tsaatu'uuma sleémeero kari meerá'.

1 Tesalonike 5:22

Ti paratle' dír umuúqo gár tlaakwe.

2 Tesalonike 3:16

Aako inósuú kilá' oo wayduú hanmiís, wayda ngu haniisi dirhunge daqisleém ar baraá umuúqo loohiro. Aako masók i dinkwa nee kuungá' sleémeero.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 2:11

Inós tlakweemaá muu gin hheehhe'eemiis. Inós nee mukdá' ta tlakweema hheehhe'eemiisi Baabuúín a wak. Gawaá adoorihe inós i murumiitiiká inooín ngiwa hhaeewós ar ateetin.

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

Yakobo 1:4

Ala qiqtliingw gadiyér ganaa' ngi tleehhi, as masók kuungá' tawa múk ganaá' baraá umuúqo gaaro, nee tawa múk qoóm, slám kuungá' gár nuwa /aaruw i káhh.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.