1 Tesalonike 5:13 - Biblía Axweesantá Hhohho' ar Mungú 2004

¹³ Múk adór kwí ilaiwaa/a hhe'eesaak ar sla'aari as gadiyér'ín. Kuungá' wayda ar hootaak.

Ya/abtór hho' 1977

¹³ Múk adór kwí ilaiwaa/a hhe'eesaak ar sla'aari as gadiyér'ín. Kuungá' wayda ar hootaak.

1 Tesalonike 5:13 Iomraidhean Croise

IIMU/UUNGW 45:24

Yosefu nee hhaeewós tiri deelór i ooiyé'. Qoomár iwa tlatlaya', giri burumbuúr giri báy, «Ma giliimara' loohiro.»

WARA'AMI 133:1

Ga/aaweek, adór kar hhoó' nee ir sla'atimís hhae iwa dinkwár waá hootiya' ar wakleeli'iima.

Matayo 10:40

«Heé kuungá' naa ilaoh, a aníng ina ilaóh, nee heé aníng iga ilaoh, a kudá' aníng iga ya/aaw guna ilaóh.

Marko 9:50

«Diwi ka hhoo'. Ala barnaxes maamahhoó diwi aa faák, gár ki qaasi a milá as iwa malé maamahh. «Kuungá' baraá munerhunge adór diwi tleehhité' nee wayda ar hootaak.»

Yohana 15:17

Tí ngin dirhúng i hara'ayiyiím, ‹Ti sla'aaslae'.› »

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

Galatia 4:14

Ala tam adoorihe án kuungá' iga waaqai'iiká laqaá aga xin'i'iiká as adoodá' aníng ni dirii'. Ala ina ilaoté' adór malaykamoó Mungú wa ale, nee adór Kristo Yesu inósuú kilá'.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

Efeso 4:3

Wakleeli'iimarhúng ló'wa harmagahhaak, tidá' Qeeru naa haniís ar kuungá' kiloohúng tawa baraá wayduú wa hota'.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

2 Tesalonike 3:16

Aako inósuú kilá' oo wayduú hanmiís, wayda ngu haniisi dirhunge daqisleém ar baraá umuúqo loohiro. Aako masók i dinkwa nee kuungá' sleémeero.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Yakobo 3:18

Mukduú loo/ír qamiím ar wayda, gadiyér'ín gár i huwahup a gan'amu.