1 Tesalonike 5:12 - Biblía Axweesantá Hhohho' ar Mungú 2004

¹² Hháe, atén kuungá' nu firiimaán mukdá' baraá tla/angwhúng wa gadiyuús ilaiwawa/aak, kudá' kuungá' nu sagesihhimiitá' ar baraá Aako nee nu intsaahhatimiisá' hotaá Krishaanu'uumaro.

Ya/abtór hho' 1977

¹² Hháe, a sla'aán kiwa tsahha' kudá' ti daawitimisá' as kuungá', nee nu sageesihhimiitá' ar baraá Aako, nee nu gurbu'uumá'.

1 Tesalonike 5:12 Iomraidhean Croise

Luka 10:7

Ta baraá do'dá' wa hotá', muruú /aymár dooín ku /agá' nee ta wahaandá'. Asma heé gadiyuús i harín bu'utuwo. Ma maraá hatlá' i lolohiimara'.

Yohana 4:38

Aníng nuna ya/aáw kawa bu'uunda' tidá' tasa daawimiti'iiká, bartaka ina daawimít, kuungá' daawitamer'ín aga i daté'.»

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Rumi 16:12

Trufena nee Trufosa intsihhiisaak. Inooín gadiyér Aako ngina tlehhiitiyé' ar ilakaahara. Persi intsihhiisaak. Inós a sla'aarusmooeé' oo gadiyér Aako gaa ló'wa tleehh.

Rumi 16:6

Maria intsihhiisaak. Inós ina ló'wa daawimít as kuungá'.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 16:16

Kuungá' geeraharu'uumár múk adór kwí naa eeharaak, nee ar umuúqo heewo oo gadiyér tleéhh nee oo ti daawiitimiís dinkwa nee inooín.

1 Korinto 16:18

Asma muunaáeé' ngwa kwa/asiyé', nee tam munerhúng sleeme. Múk adór kwí inslaslaango i harín.

1 Korinto 3:9

Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

2 korinto 5:9

Alaá tí sleémeerowo gár ta ak sla'aan a inós kuwa sla'atisan, atén dír ta hootaan tam a baraaká' yaamuwo laqaá gawaá doori.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Galatia 4:11

Aníng aga da'ayuút kuungae. Aníng ngi slaá' gadiyér naa tleéhh as kuungá' a tawo.

Filipi 2:16

asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'ii'imiiká, laqaá aga tawó daawiimitiiká gadiyeede.

Filipi 2:19

Án harahhifo a koóm baraá Aako Yesuwo Timoteo nguwa amorhúngií ya/aaw ar gaanslaay, as muunaáeé' iwa qwalaa/i kangwhúng bura axaás.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

1 Tesalonike 2:9

Hháe, án ngi slaá' kuungá' a insleerá' adór atén gadiyeé kara tleehhaán ar ilakaahara. Asma qoomár atén Ya/abtór hho' kawa alki/iitaán dirhúng i ale, atén an gadiyuumaamisaán tlaatla/aangw nee xweeraawo, as umuúqo heewo dirhunge muwa diitsakwaár ar awaán.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

1 Timoteo 5:1

Aakoó úr mu iigahhamiitaar, ala gurbueek adór baabár alé, nee masoomba adór hhaeewók ar alé.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.

2 Timoteo 2:6

Dooslusmoodá' gadiyeé gaa tleehh ar /uuru, inós gár kuwa hariím a bu'ungwduú gadiyeérós gun geerií /aay.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Tito 1:5

Án kuúng una yaamaá Kretér i geexáw as gadiyeédá' aa met kawa alhhe'es, ak alé bariise kawa qas baraá umuúqo gixsaro, ar adoodá' aníng kuúng ura hara'ayiím.

Tito 2:15

/Aymi'iiká' intsaahhatimiseek, muu kuwa gurkwa/amis nee kuwa naanaq ar aleesleemu sleémeero. Kuúng hee muwa waaqaá'.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Ebrania 13:7

Kuungá' geeraharuuserhúng inslawaak, tidá' axweesantá Mungú ngaa dirhúng i alki/it. Slafingw'ín kuungá' inslawaak adór inooín tara hoót, nee adór tara qaátl, haratlintaaor'ín na eeharaak.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 2:12

«Kaangwí gooiimeek amór malaykamooduú múk kríshaanáy oo baraá Pergámó i dirií', «Axweesantí dír i dahh a dír kudá' paángadá' afa xaraasl badu tsaraawo ga koóm.

Geehhoeemaá 2:18

«Kaangwí gooiimeek amór malaykamooduú múk kríshaanáy oo baraá Tiatírár i dirií', «Axweesantí dír i dahh a dír Garmoó Mungú, kudá' ilaawós gwa/aatá' adór tsángw asla, nee ya'aawós a adór muqslír sirdaa/aat ar taa ló'wa hhohhoeés ar asla.

Geehhoeemaá 2:3

Slám kuúng ana qiqtliín nee slahha'amaayér yaariir ana slaasleér as aníng, slám aga slaaqatká.

Geehhoeemaá 2:8

«Kaangwí gooiimeek amór malaykamooduú múk kríshaanáy oo baraá Smirnár i dirií', «Axweesantí dír i dahh a dír kuduú geera nee oo alhhe'eesaay. Inós geeraawo ina gwaá' ala iri slaáf.

Geehhoeemaá 3:1

«Kaangwí gooiimeek amór malaykamooduú múk kríshaanáy oo baraá Sardér i dirií', «Axweesantí dír i dahh a dír kudá' qeereemoodá' faanqw awa Mungú gi koóm, nee tsatse/uudá' faanqw. Aníng kángw tlehhemi'iiwók u xuú'. Kuúng tuwa xui a sláf, ala laatí kuúng aga gwá'.

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.