1 Tesalonike 4:6 - Biblía Axweesantá Hhohho' ar Mungú 2004

⁶ Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

Ya/abtór hho' 1977

⁶ Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku sakwasleemuut nee Mungú, adoodá' ngira qaroó geerí gawdeesaán dirhúng i alé.

1 Tesalonike 4:6 Iomraidhean Croise

WARA'AMI 140:12

A xuú' AAKOÓ MUNGÚ hee gun sakwasleemár ganaá' i tleehh. Nee múk liitlakwén gun hariímar'ínií sláy.

WARA'AMI 94:1

AAKOÓ MUNGÚ, Munguú li/oó bu'uúm, kuúngudá' li/oó bu'uúm ti laqaan.

TI'INAANGW 20:15

«Ma fisiisimaar.

TI'INAANGW 20:17

«Doó inslaawmoowók mu ilatleerusaar. Harér inslaawmoowók ma ilatleerusaar, laqaá lawaalmoowós, laqaá lawaalo'oorós, laqaá sleerós, laqaá daqwaywós, laqaá umuúqo gár i kona.»

AXWEESANOÓ SAGALOOA 11:1

Qoomoó al/ayma AAKOÓ MUNGÚ gu waak, Ala qoomoó alqoóm inós gu sla'atamís.

AXWEESANOÓ SAGALOOA 16:11

AAKOÓ MUNGÚ qoomoó múk al/agimaaká gu slaa', Tam tlaa/eedá' tar qoomeemeesi a kós sleeme.

AXWEESANOÓ SAGALOOA 20:14

Heé gár tlaxuúm in ooi, «Tí ka slasla/aar, male kii/ tí ka slasla/aar,» Aluuwo bira tláy iri ooi, «Aná heemá! Ala nga tláxwiíke ar tlaxór baraay.»

AXWEESANOÓ SAGALOOA 20:23

Qoomoó al/ayma AAKOÓ MUNGÚ gu waak, tam qoomoó ta múk ar al/agin i ganaaiiká.

AXWEESANOÓ SAGALOOA 28:24

Heé muruú dooín gu fisisiím iri ooi «aga dakuusiiká», Inós a mulqumoó heé hhitusmo.

DAHARUSMO 5:8

Ala ma waa/oo/amór wa araar baraakaá yaamuwo bara aán múk liitlakwén ku baramaanuus nee hariímar'ín kaa hayóh dir'ine. Umuú heé múk litlaakwén /aytiím, heé úr dír inose i deer, tam dír múk urene múk dir'ine uren i deer.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

YEREMIA 7:6

Kuungá' bar dahaaye a baramaanusa'aaká nee na/aá panaywo, nee /ameenár kwaeeli, nee múk dakuús wásl tsu/utaro bura meeré' baraá yaamukae, nee sleeme munguaá hatlá' eeharahaduuwo bira meeré' as tawa qwada'aaká,

YEREMIA 9:4

«Umuú heewo ti harmagaahhi dír inslaawmowose. Nee hhiya' mu harahhifaar, umuú heewo a al/aymusmo nee umuú inslaawmowo a kaantusmo.

ESEKIELI 22:13

«Aníng kuunday'eé' ugwa amohhe'eés as iwa tuu' asma slaasláwasíng taa sleér ar loohír gana'aaká, nee asma múk yaariír oo taa ayaawók waa tsuú/.

TLAHHOÓ LAÁWI 19:11

«Ma fisiisimaara', ma al/agiimara', laqaá miti lamemií kaahara'.

TLAHHOÓ LAÁWI 19:13

«Inslaawmoowók mu hara/untsimaar, laqaá mu gaa fiisaar. Slaqwér heé aa gadiyuus miwa dirók wa iwiiwít xweera sleémeero ay matlaatle.

TLAHHOÓ LAÁWI 25:14

Bar yaamaá tlaxuún laqaá in weeramís dír inslaawmoowók, mu hara/uuntsimaar.

TLAHHOÓ LAÁWI 25:17

Miti hara/uuntsimaara', ala Munguúhúng na ilaiwawa/aak. Aníng an AAKOÓ MUNGÚ, Munguúhúng.»

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

SEFANIA 3:1

Gixsár Yerusalemu, a tsaxwaawók. Asma a gixsár aa dee/aanut, mukós aa hhitirumiít tlakweemawo nee geeraharuuseerós muu gun /aytiín.

SEFANIA 3:5

Ala AAKOÓ MUNGÚ baraadae in hota ganaa' gár tlaakw ga baloó tleehhiiká, Umuú matlaatlér xawa sakwasleemarós tidá' ganaa' gan geehhooatimis. Umuú looár tlawa aa baloó munesi'iiká, ala tam adoorihe múk tlákw mure ga xuiiká.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Marko 10:19

Ahaá baré hara'aya a xú', ‹Hee muu gaasaar, Ma fuquusaar, Ma fisisiimaar, Lamabu'úngw lama mu kaahaar, Ma al/agiimaar, Baabuúwók nee aayo ilaiwawa/eek.› »

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

Luka 16:28

Asma hhaee'eé' awa kooán i dayá', ngi gurbu'utá ay, asma inooín mindiwa hardihiyé' diirí slahh'amuú koom.›

Rumi 1:18

Asma Mungú xarasleemaawós gina geehhooatís gawaá doorí wa ale daanduú múk tlakuuse nee oo aa dee/aanuut, kudá' looeema gaa sii' ar tlakweemaaín.

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

Rumi 13:4

Asma inós a sagadiyusmoó Mungú, as hhooeema ngiwa kuúng i tleehhi. Ala bar tlakweemaá tleehhít, da'ayuút, asma tsataay gu tawó konká, ala a as tawa sagadiyusmoó Mungú oo li/oó bu'uúm dír mukdá' muruú tlákw tlehhiita.

2 korinto 7:11

Ga/aawaagáy, gurhaamirí Mungú aa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' adór gár hhoo' kara tlehhé' baraá kaangwihe.

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

Efeso 5:6

Hee munduwa al/aáy ar /ayma'aá tawo. Asma múk muruuwí tlehhiít xarasleemaá Mungú ngun i hardihiyá' asma tawa iialooeemisiiká.

DABE 24:7

«Hee barnaxes hhiyaawós oo Israeli gwaa fiís, nee guri lawaalmoowós tleéhh, laqaá burgwa weeriís amór lawaali'iima, heé adór kwí a fisusmo, i harín kuwa gaasi. Adoorí an adoodá' tlakweema kir hingeesa' baraá tla/angwhunge.

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

1 Tesalonike 2:11

Kuungá' a xuá' adór atén umuúqo heewo dirhunge ngura amohhe'eemaamiisaán, adoodár baabá na/iiwós ngir amohhe'eemaamisi.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

Ebrania 2:6

Adoorí heeko wák gaa lamabu'ún baraá Gooiro iwa kaahi, «Hee a gár milá, tam kuúng kuwa inslasleer? Laqaá hee a gár milá, tam kuúng inós kuwa sa daawimit?

Yakobo 2:6

Ala kuungá' liitlakusmo una mureekesé'. Múk kuungá' nu slahh'eemiís nee nu huwahuúw baraá maraá kwasleema, a daqaareéroóke?

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.