1 Tesalonike 4:5 - Biblía Axweesantá Hhohho' ar Mungú 2004

⁵ Ala kuungá' ma hootara' ar ilatleerír tlakw, adoodár múk xoordu ir hooti, kudá' Mungú gu xua'aaká.

Ya/abtór hho' 1977

⁵ Ala kuungá' ma hootara' ar ilatleerír tlakw, adoodár múk xoordu ir hooti, kudá' Mungú xua'aaká.

1 Tesalonike 4:5 Iomraidhean Croise

WARA'AMI 79:6

Buhhtaawo daa/atúw gawaá daanduú kudá' kuúng u xuaaká, nee waawuti'iima sleémeero tidá' umuuwók gu ateetimaaká.

YEREMIA 10:25

Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

Matayo 6:32

Asma múk xoordaá hatlá' muruuwí sleémeero gun leelehhiit. Nee Baabuúhúng oo gawaá doori ga xuu' adór kuungá' muruuwí kur sla'á'.

Luka 12:30

Asma múk xoordu tí sleémeero gan leelehhiit. Ala Baabuúhúng ga xuu', adór muruuwí kuungá' kur sla'á'.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Rumi 1:24

Gawaá adoorihe Mungú inooín giri máy, as muruudá' slasla/arén oo ta slai baraá muner'ine nguwa tleehhiya'. Nee tam inooíná kilá' slaqooín ngiri mureekeemisiyé'.

Rumi 1:26

Gawaá adoorihe Mungú inooín giri máy, as ilatleerir'ín ar mure wasl kawa eehari. Tam /ameena tlehhmuuín kudá' hariím, tawa alhooti nee hhawaate, guri warqés. /Ameena iri fuqús nee /ameena.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

Galatia 4:8

Qoomaadá' aáng kuungá' Mungú kuwa xui'iiká, kuungá' a lawaalér munguaá hatlá', ala inooín a munguiwooká.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

1 Petro 4:3

Asma qoomaadá' aa waarahhi kuungá' sla'aarír múk Munguú xuaaká ana eehadé'. Ala a ido daxta. Qoomaadae ana hoté' ar slafíngw slasla/arén oo mure wásl, nee ar ilatleerír tlakw. Ana hoté' ar oonitime nee hheehha nee layda, nee slám ana hoté' ar slaqsa'aá munguaá hatlá' kiwa sluufmisa' adoodá' hariimaaká.