1 Tesalonike 4:3 - Biblía Axweesantá Hhohho' ar Mungú 2004

³ Mungú gár i slai a kuungá' masók an hotá' ar slafíngw hhohhó', nee tsaatu'uuma sleémeero kari meerá'.

Ya/abtór hho' 1977

³ Mungú gár i slai masók a kuungá' an hotá' ar slafíngw hhohhó', nee tsaatu'uuma sleémeero kari meerá'.

1 Tesalonike 4:3 Iomraidhean Croise

WARA'AMI 143:10

Kuúng a Munguúeé'. Intsaahhatisáng ar kuúng ta sla' ngiwa tleehh. Qeeruuwók kudá' hhoó' án i geerahari, ar baraá loohír qoom!

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

TLAHHOÓ LAÁWI 15:18

Barnaxes hhawaata nee /ameeni taa fuquús, ma'aay nay ti'iitiyé', harihhoóar'ín aqo tan ma'ár hamtlín, nee inooín i baraá meeta ay tsiindo.

Matayo 12:50

Asma umuúqo heewo oo sla'aarír Baabuúeé' kuduú gawaá doori ga tleéhh, an hhiyaaeé' nee hho'or'eé' nee aayor'eé'.»

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

Matayo 5:32

Ala án a kah, hee bar hareerós gaa guús, ala as tlehhemuú fuqtooká, /ameenidá' aa fuqús as hhawaatuudá'. Nee heé /ameenidá' taa guús gaa duux, heedaádá' sleeme aa fuquús.»

Matayo 7:21

«Heé aní tawó babáw, ‹Aáko, Aáko,› i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií' ga tlehhiít.

Marko 3:35

Asma umuúqo heewo oo sla'aarír Mungú ga tleéhh, kwí an hhiyaaeé' nee hho'or'eé' nee aayor'eé'.»

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

Tlehhema'aá ya/Abuuse 20:32

«Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 7:2

Ala as adoodá' fuqi iwa tláhh, umuúqo hhawaatuuwo masók in hareerós kón, nee umuúqo /ameeniro masók in hhawaatuuwós koón.

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

Galatia 5:19

Tlehhma'aá slaqwa ki geehhoo', a kuká': Sli'ima, nee tlehhma'aá slasla/aren, nee tsaatu'uuma,

Efeso 5:17

Gawaá adoorihe ma daktana tleehhitaara', ala masók gar Aako i slai an xuá'.

Efeso 6:6

Kuungá' masók a adór lawaaleedá' ilaá maaqumiisaaká. Ti harafade' tawa lawaalér Kristo, tidá' sla'aarír Mungú ga tlehhiít ar muunuú /awaák.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Tesalonike 4:2

Kuungá' hara'ayaadá' naa haniisaán a xuá', tidár amór Aako Yésú daahh.

1 Tesalonike 4:4

Umuúqo heewo dirhunge gár kuwa hariím a slaqwtós gan aleesláy ila/aango, slaqwtós ngiwa ilaiwawaa/i, nee ngiwa harmagaahhi iwa hot baraá hhoohhooaarír wa ale.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

2 Tesalonike 2:13

Hháe, kuungá' Aako nu slaa', nee atén gár tiwa hariím a Mungú un sluufmisaán umuúqo daqto as kuungá'. Asma Mungú kuungá' nuna tsawaár iimír iimu/uungo as ba/ama kawa sleera' ar loohír Qeeruú hhoohhoó' oo Mungú, kudá' kuungá' nu hhoohhooeemiís, nee ar loohír looeema kiwa haratlintia'.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.

Ebrania 12:16

Slám heé Munguú ilaiwawa/aaká miwa deeruút, nee oo qeeruú adór kuduú Esau gu koóm, kudá' aalirós ar bariisu'uuma gaa weeriis as muruú /aymár wák kilós.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Petro 4:2

Gawaá adoorihe qoomár aa meti baraá slafingwhúng oo baraakaá yaamuwo, kuungá' gár tunduwa hariím an hotá' ar sla'aarír Mungú kawa tlehha', ala ma hootara' ar ilatleerír muu kawa eeharahada'.

1 Yohana 2:17

Ala yaamu i waarahhiyá' dinkwa nee ilatleerir'ine, ala heé adoodá' Mungú i slai ga tlehhiít i hotaatín ay kureér.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.