1 Tesalonike 4:13 - Biblía Axweesantá Hhohho' ar Mungú 2004

¹³ Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.

Ya/abtór hho' 1977

¹³ Hháe, atén a sla'anaaká iidíguú mukdá' aa qaatl kuungá' kuwa xua'aaká. As gídaabá kuungá' ma gurhaamuutara' tawa adór mukduú hatlá' oo haraxu'uti wásl.

1 Tesalonike 4:13 Iomraidhean Croise

IIMU/UUNGW 37:35

Na/iiwós awa daaqaay nee awa dasu baabuúín nguri i daqayé' kuwa gurkwa/amisi. Ala Yakobo gurkwa/asa gari sií' iri oó', «Án garmaaeé' u baloó gunqareesaaká tam ay baraá gi'i.» Gawaá adoorihe Yakobo garmaawós guri al/aa/amaamín.

2 SAMUELI 18:33

Naagáy waawutmo gurhaamír ur guri eér, iri tsa/án gawaá kutwír gáwtií dirii', afiqoomár afkuduú gixsa, i hara /aa/amín. Qoomár iwa gáwtií tsa/aa/an i kaahi, «Garmaaeé' Absalomu, garmaaeé' Absalomu! A tsiní bar aníng aga kitangók wa gwaá'! Absalómu, garmaaeé', garmaaeé'!»

1 WAAWITÁ 1:21

Bar adoosingeeká aluuwo aakooeé' bira gwaá' iri haragwa' amór baabi'iiwós, aníng nee garmaaeé' Solomon tin harafaar adór múk tlákw.»

1 WAAWITÁ 2:10

Aluuwo Daudi iri gwaá', kuri foól baraá gixsár Daudi.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

TLAHHOÓ LAÁWI 19:28

Slaqoohúng mi siiqitaara' qoomár bar tsuunqumiisa', slaqoohúng mi iiree/imaara'. Aníng an AAKOÓ MUNGÚ.

TLAHHOÓ LAÁWI 21:2

Ala a har tuuár múk guruú do'ós, adór baabuúwós laqaá aayoorós, laqaá garmaawós, laqaá dasiirós, laqaá hhiyaawós oo nee inós waqaanti wák.

Matayo 27:52

/aantu nay kisiitiyé' nee múk yaariír oo hhohhó' oo aa qaatl nari waasleé/,

Yohana 11:24

Marta iri ó', «A xuú' adór ir waasleé/ baraá waasle/uwo bál deelór alhhe'eesaywo.»

Tlehhema'aá ya/Abuuse 13:36

Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

Rumi 1:13

Hhaee'eé', gár án dirhunge ni xu'utisár wa slaa' a tí, aníng aga slaá' daqtá yaariire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng as kahhó' múk ni amór Yesu i huuw nguwa slaw dirhunge, adoodá' muu ngura sláw dír múk xoordaá hatlá' sleémeerowo.

1 Korinto 10:1

Hhaee'eé', aníng kuungá' nu inslawtisár wa slaá' kángw baabi'iirene. Qoomaadae inooín sleémeero ta baraá guruú huunki, sleémeero tana waraáhh ar baraá tlawi.

1 Korinto 12:1

Hhaee'eé', gár án ni slaa', kuungá' kángw aleesleemuú ta hanmiisi nee Qeeruú hhoohhoó' oo Mungú masók un xuá'.

1 Korinto 15:6

Aluuwo hha'aá dinkwárí diriiá' awa tsiire kooane waarahhá' giri harati'iít. Awa yaariir baraá tla/angw'ine tam hamí i slafiyá', ala bahh'alé naa qatliyé'.

2 korinto 1:8

Hháe, atén adoorí an kaahaán, asma atén a sla'aán kuungá' slahh'amaayeedá' atén taa slawaán baraá yaamaá Asiaro kawa xua'. Asma atén slahh'amaayeedá' taa slawaán ka ló'wa ur, tam atén ana harslaaqataán gagaararo. Tam harahhifór tawa slafaan iri fák.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

1 Tesalonike 4:14

Asma atén aga haratlintiaán adór Yesu ira gwaá', niri waasleé/. Gawaá adoorihe tí sleeme a haratlintatiaán adór mukdá' aa qaatl oo Yesu gwa haratlintii', Mungú ngur huúw dinkwa nee Yesu.

1 Tesalonike 4:15

Atén kaangwí ta kaahaan a kudá' Aako aa oó', ateéká' slafá' bál Aako binda kií/, atén a giirimanaaká dír mukdá' aa qatli.

1 Tesalonike 5:10

Inós atén tina sa gwaá', as atén tawa hootaan dinkwa nee inós, barnaxes a slafaán laqaá barnaxes aga qatlaán.

1 Tesalonike 5:6

Gawaá adoorihe atén gár tiwa hariím masók an guanaaká adoodár múk hatlá' sleémeero wa ale, ala masók an dalaa'aán nee múk qoomoó koóm.

2 Petro 3:4

tawa kaahi, «Inós al'axweesani ngina haniísiíke ar niwa ki/i, ala i amá? Baabi'iirén naa qaroó qatliyé', ala mura' sleémeero u ga/eerá'aáke i adoodaádí kaahh, adoodár aáng iimír yaamu kiwa tleéhh.»

2 Petro 3:8

Sla'aaruuser'eé', gaarí wák ma gunqareesara'. Dír Aakoowo deelór wák a adór kureeraá kumuú wák, nee slám kureeraá kumuú wák a adór deelór wák dirose.