1 Tesalonike 4:1 - Biblía Axweesantá Hhohho' ar Mungú 2004

¹ Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

Ya/abtór hho' 1977

¹ Hháe, kuungá' aga intsahhé' diirén wa ale adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu gídaabá, slafíngw adór kwisíng ba/a ar hootaak.

1 Tesalonike 4:1 Iomraidhean Croise

2 QOM'I 17:4

Ala inós Munguú baabuúwós guna leeleéhh, dabér Mungú gana ilaiwawaá/. Inós adór waawituú hatlá' oo Israeli gaa eehariiká.

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

WARA'AMI 92:14

Mamu ngi laqwaliyá' ay qoomár diimaay, nin hatsiyá' duwaawo nee naa/amawo.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

Yohana 15:2

Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Rumi 8:8

Mukdá' heeuumar'ín ar tlakweema ga eeharahár, inooín Mungú sla'atisaro ku baloó aleeslayká.

1 Korinto 11:23

Asma aníng intsaahhastí ana dír Aakoó wa ilaóh, nee ngiri kuungá' i oó', tí kah, Aakoorén Yesu xweeraadá' kuwa sakií/, mukaatmo guna taataáhh,

1 Korinto 15:1

Hhaee'eé', hám daxta aníng kuungá' nu inslawtís kángw Ya/abtoodá' hho' naa dirhúngií alki/iít. Kuungá' Ya/abtoodá' hho' kari ilaoté', nee slám tari baraá Ya/abtoodá' hhó' wa kumité'.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

2 korinto 5:9

Alaá tí sleémeerowo gár ta ak sla'aan a inós kuwa sla'atisan, atén dír ta hootaan tam a baraaká' yaamuwo laqaá gawaá doori.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Galatia 6:1

Hhaee'eé', hee bira huú' baraá tlakweemakaarí alé, kuungaásingá' awa Qeeru heé adoodá' gan'aasaak ar tsatsa'aareema. Ala kuungá' kilá' ti harmagahhe', kuungá' sleeme mutunduwa iiara'ár.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Efeso 4:20

Ala kuungá' kángw Kristowo tunda adoosír intsaahhatimisiiká.

Efeso 5:17

Gawaá adoorihe ma daktana tleehhitaara', ala masók gar Aako i slai an xuá'.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 1:9

Gár aníng kuungá' nuwa aleefiriiriim a tí, sla'aarirhúng i kumit iwa ló'wa doogiigiin dinkwa nee xu'uti nee dahar sleémeerowo,

Filipi 3:14

A ló'wa naagamiís as amoodá' ta i qwaatlaan ngiwa i hardah, as slaasláwadá' Mungú isa ateét ar loohír Yesu ngiwa slaw, tidá' niwa hoot gawaá doorí wa ale.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 2:6

Kuungá' Kristo una ilaoté' tawa Aako. Nee ala daxta hooté' baraá slafingwhunge, tawa aldinku'uumisa' nee inós.

1 Tesalonike 3:12

Aako inósuú kilá' sla'aarirhúng ngi ak doogi tiwa kiloohúng sla'asla'a', nee muu sleémeero kuwa sla'a', adoodá' atén kuungá' nur sla'aan.

1 Tesalonike 4:2

Kuungá' hara'ayaadá' naa haniisaán a xuá', tidár amór Aako Yésú daahh.

1 Tesalonike 5:12

Hháe, atén kuungá' nu firiimaán mukdá' baraá tla/angwhúng wa gadiyuús ilaiwawa/aak, kudá' kuungá' nu sagesihhimiitá' ar baraá Aako nee nu intsaahhatimiisá' hotaá Krishaanu'uumaro.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

2 Tesalonike 2:1

Ala hám daxta, hháe, gár ni axwees a daanduú kángw hardahamuú Aakoorén Yesu Kristowo, nee adoodá' atén tar dír geeraawós i burumburiitaan, atén kuungá' nun firiimaán,

2 Tesalonike 3:1

Alhhe'eesaywo, hháe, atén ti aleefiriiriinde'. Firiirimé' as axweesantá Aako iwa geerií hi'it ar gaanslaay, nee kawa ilaoohi ar ilaiwa/ame ar adoodá' kuungá' kara ilaoté'.

2 Tesalonike 3:13

Ala kuungá' hháe, ma baloó slaaqataara' tidá' ganaa' kawa tlehha'.

1 Timoteo 5:21

Án kuúng u hara'ayiím dír geeraá Mungú wa ale nee dír geeraá Kristo Yesu, nee dír geeraá malaykeerós tidá' hhohho' un baw, hara'ayaarí na eehareek baraá umuúqo gaaro ar barqaanti wasle dír umuúqo heewo.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

Ebrania 13:22

Hháe, án kuungá' nun harhheehhe'eemiís, kuungá' axweesantír gurbu'uungw na ilaoohaak ar inkihhimu. Asma barwaárí naa kuungá' i gooiím axweesanoó yaariír oo i koon i kaahh.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

1 Yohana 3:22

Nee umuúqo gár ta dirós i firiimana a slawaán, asma hara'ayaarós kawa eeharaharaan, nee adoodá' inós i slai kawa tlehhiitaan.