1 Tesalonike 3:8 - Biblía Axweesantá Hhohho' ar Mungú 2004

⁸ Kuungá' bar aga gawduuré' baraá Aakoowo, slafingwrén daqaní ku amohhoó'.

Ya/abtór hho' 1977

⁸ Kuungá' bar aga gawduuré' baraá Aakoowo, atén slafingwrén daqaní ku amohhoó'.

1 Tesalonike 3:8 Iomraidhean Croise

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

Yohana 15:4

Baraaeé' wa hootaak, nee án baraahúng. Adoodá' halmi kilós ir laqwalaká barnaxes i gawaá xa'anooduú sabiíbuú i dir'aká, tam kuungá' sleeme a adoorí barnaxes a baraaeé' wa hota'aaká.

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Yohana 8:31

Aluuwo Yesu múk Yahudi kudá' gwa haratlintii' guri báy, «Kuungá' bara kumité' axweesante'eé' iialooeemisuuwo, aga eeharuuser'eé' ar ló' tleehhité'.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

1 Korinto 16:13

Kuungá' dalaaé', sihhitano hhe'eesé' baraá haratlintaaorhunge. Kuungá' masók a gurkwa/á', nee masók a múk /uuruú koóm.

Galatia 5:1

Kristo atén tina gweér baraá lawaali'iimaaro as atén tawa hootaan ar adór múk lawaaleerooká. Gawaá adoorihe sihhiité', ma ya/aamara' tunduwa malé tseegi baraá lawaali'iima.

Efeso 3:17

as Kristo iwa baraá munerhúng wa hooti ar haratlintaao. Án Mungú u firiiriím as kahhó' kuungá' dee/aruuhúng nee iihhafiirirhúng iwa baraá sla'aari,

Filipi 1:21

Asma dir'eene slafiingw an Kristo, nee gwa'ara gár ak hhoo' ngi húp.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

1 Tesalonike 3:7

Gawaá adoorihe, hháe, atén tam baraá slahha'amaayér úr i diriiana, ala kángw haratlintaaorhúng atén taa ló'wa gurkwa/ás.

Ebrania 10:23

Harahhifoorén tidá' taa lamabu'uumaán ka oohaán nee mawa baloó geexawaán. Asma Mungú al'axweesantós ngaa haniís, nee inós i inkihhimuú kón.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

2 Petro 3:17

Ala kuungá' sla'aaruuser'eé', kuungá' adoorí aga qaroó xué'. Gawaá adoorihe ti harmagahhe'. Ma ya/aamara' tunduwa uuruuxi baraá haratlintaaorhúng tidá' taa oti'i, nee tunduri qwaarees nee múk tlákw.

Geehhoeemaá 3:11

Aníng ni hardáh ar gaanslaay. Tidá' ta koon ooha hhe'eeseek, as kahhó' hee slamaangók munguwa hayóh.

Geehhoeemaá 3:3

Gawaá adoorihe axweesantadá' adór kara ilaót nee adór kara axamís inslaweek, nee ka ót, ta hhu'u'uún. Ala kuúng bar aga dal'iká, aníng ni hardáh amoorók i aleeró adór fisusmo, ala qoomaadá' aníng ni hardah kuúng a xu'uká.

1 SAMUELI 25:6

Inós ku beerá', ‹Daudi kuúng ugwa intsihhiís, waydar hooteek, nee múk do'oge, nee tidá' sleémeero ta koonda.