1 Tesalonike 3:6 - Biblía Axweesantá Hhohho' ar Mungú 2004

⁶ Ala Timoteo niwa amorhúng wa wayaá', kángw hhó' oo haratlintaaorhúng nguri huúw, nee oo sla'aarirhúng. Atén tina ádbáy adór kuungá' atén tir ló'wa inslasleerá' umuúqo daqto, nee ti artá wa sla'á' adoorír atén kuungá' nur artá wa sla'aan.

Ya/abtór hho' 1977

⁶ Ala Timoteo niwa amorhúng wa wayaá', iidíguú haratlintaaorhúng nguri huúw, nee oo sla'aarirhúng. Atén tina báy gídaabá kuungá' atén ti ló'wa inslasleerá' umuúqo daqto, nee gídaabá atén ti artá wa sla'á' adoorír atén kuungá' nur artá wa sla'aan.

1 Tesalonike 3:6 Iomraidhean Croise

AXWEESANOÓ SAGALOOA 25:25

Adoodár heé aa waxiit ma'aá tsa' ngir slai, an adór ya/abtór hho' ar ayaá saáw daahh.

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 18:1

Kaangwí iwa waaraáhh, Paulo iri Athénér wa tláy, iri hardáh ay Korinto.

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

1 Korinto 11:2

Aníng kuungá' nu xirfayeemiís as adoodá' kuungá' aníng iwa inslasleeré' baraá umuúqo gaaro, nee muruudá' sleémeero aníng naa dirhúngií intsaahhatimís ugwa eehadé'.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Kolosai 1:4

Asma aga axaasaán kuungá' adór Kristo Yesu kura haratlintié', nee adór múk hhohhó' oo Mungú sleémeero kura slaé'.

Kolosai 4:18

Intsihhiisantí ánuú Paulo ngina gooiím ar dakw'eé' oo kilá'. Ma gunqaruutara' gídaabá aníng taa tseék. Mungú kuungá' nu tsuuqi.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Tesalonike 2:17

Hháe, atén nee kuungá' tina paraatlaán har qoomár niinawe, ala ar slaqwa kilós, ala ar baraá muneerooká. Qoomaadae ana sla'aán nee ana ilatleeruusaán kángw kilá' wa aleeró tiwa araan nee kuungá'.

1 Tesalonike 2:9

Hháe, án ngi slaá' kuungá' a insleerá' adór atén gadiyeé kara tleehhaán ar ilakaahara. Asma qoomár atén Ya/abtór hho' kawa alki/iitaán dirhúng i ale, atén an gadiyuumaamisaán tlaatla/aangw nee xweeraawo, as umuúqo heewo dirhunge muwa diitsakwaár ar awaán.

1 Tesalonike 3:7

Gawaá adoorihe, hháe, atén tam baraá slahha'amaayér úr i diriiana, ala kángw haratlintaaorhúng atén taa ló'wa gurkwa/ás.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

Filemoni 1:5

asma kángw sla'aarirók u axamiís nee haratlintaaór ta koon dír Aako Yesuwo nee dír múk hhohhó' sleémeerowo.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.

Ebrania 13:7

Kuungá' geeraharuuserhúng inslawaak, tidá' axweesantá Mungú ngaa dirhúng i alki/it. Slafingw'ín kuungá' inslawaak adór inooín tara hoót, nee adór tara qaátl, haratlintaaor'ín na eeharaak.

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.