1 Tesalonike 3:2 - Biblía Axweesantá Hhohho' ar Mungú 2004

² Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

Ya/abtór hho' 1977

² Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

1 Tesalonike 3:2 Iomraidhean Croise

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 16:5

Gawaá adoorihe kríshaanáy umuúqo diiro /uuru guri sláy baraá haratlintaaoodae, faaror'ín iri doogigiín umuúqo baalaaro.

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Rumi 16:21

Timoteo, kudá' nee aníng algadiyuusá', inós kuungá' nu intsihhiimiis. Nee Lukio nee Yasoni nee Sosipateri sleeme nu intsihhiimisiyá'. Inooín a múk tlahhay'eé'.

1 Korinto 3:10

Aleesleemuudá' Mungú naa amor'eénií haniís, aníng una ar gadiyuús, iihhafiirír hhoo' ngiri qaás, ar adoodá' tleehharusmoó do' ir tleehhimamiti. Nee heé hatlá' i gawaá iihhafiiridá' in tleehhiit. Ala umuúqo heewo adór ir gawaá iihhafiiridií tleehhiti ngi alqaytsiti.

1 Korinto 4:17

Asma gaarí an gár Timoteo ngusa amorhúngií ya/aáw. Inós an garmaaeé' kuduú sla'aarusmo nee oo inkihhím baraá Aakoowo. Inós kuungá' nu inslawtis daanduú lohuueé' awa baraá Kristo Yesuwo, kudá' ni intsaahhatimis umuúqo diiro dír múk kríshaanayhe.

2 korinto 1:1

Anuú Paulo barwaárí ngina gooiím dinkwa nee Timoteo hhiyaarén. Aníng a ya/abusmoó Kristo Yesu ar adoodá' Mungú aa slaá'. Barwaárí ngina amorhúngií gooiimaán, kuungaásingá' kríshaanáy, kuungaásingá' Mungú ugwa haratlintie' awa baraá yaamaá Korintór i diriia'. Barwaárí ngina dirhúngií gooiimaán, nee dír múk hhohhó' oo Mungú, kudá' sleémeero oo baraá yaamaá Akayár i dirií'.

2 korinto 1:19

Asma Garmoó Mungú, Kristo Yesu, kudá' kangós atén naa dirhúngií alki/itaán, aníng nee Silwano nee Timoteo, a gídaabáheeká inós an «Eeít» nee «Aasla'áy». Ala umuú daqto gár baraawós a «Eeít».

2 korinto 2:12

Qoomár aníng niwa Troárí hardáh as Ya/abtór hho' ar Kristo ngiwa alki/iit, gár naa ár a pa/ángw amohhoó' kunguna haniís oo aníng gadiyér Aako ngiwa tleehh didae.

2 korinto 2:13

Ala tam adoorihe aníng amohhooa aga ariiká baraá muunaáeene, asma hhiyaaeé' Tito, ugwa ariiká amoodae Gawaá adoorihe aníng deelo ngiri dir'ínií oó', niri tláw ay yaamaá Makedonia.

2 korinto 8:23

Gawaá daanduú Titowo án gár ni oo' a tí, inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudaá hatlá', inooín a múk tinda ya/aáw nee kríshaanáy sleémeero, nee Kristo xirif gu sláy as inooín.

Filipi 1:25

Aníng kaangwí u xuú'. Gawaá adoorihe a xuú' adór aníng nir kumiít slafiingo, dinkwa nee kuungá' sleémeero as kuungá' nuwa alee/iis, nee qwal/uuhúng nguwa dook baraá haratlintaaooro.

Kolosai 1:1

Anuú Paulo, ya/abusmoó Yesu Kristo ar sla'aarír Mungú, nee Timoteo hhiyaarén, barwaárí ngina gooiimaán

Kolosai 1:7

Kaangwí kunguna dirhúng i intsaahhatimís nee Epafra, sla'aarusmoorén. Inós a lawaalmoó Kristo adór atén wa ale, slám an sagadiyusmoó Kristo oo inkihhím as atén.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

Kolosai 4:9

Onesimo nee inós ti koná', hhiyaarén oo inkihhimuú koóm, slám a sla'aarusmo. Nee inós a heehúng. Inooín kángw diirí atén tay diriiaan kunguqo alki/iit.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 3:5

Gaarí an gár aníng Timoteo ngusa ya/aáw, asma aníng qitla una harslaaqaát, ana xu'utír wa slaá', xáda xáy haratlintaaorhúng Neetlaangw gura bá/i, kudá' kuungá' nu iiara'ár, laqaá gadiyeédá' atén taa tleehhaán sleémeero aa gadiyér tawo tleehhít.

2 Tesalonike 2:17

inós munerhúng ngi gurkwa/asi, nee nuwa /uurií haniisi as umuúqo gár hhoo' kawa tlehhita' nee axweesanoó hhó' kuwa axwesa'.