1 Tesalonike 2:16 - Biblía Axweesantá Hhohho' ar Mungú 2004

¹⁶ Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

Ya/abtór hho' 1977

¹⁶ Asma inooín atén tin ila/aná' as Ya/abtór hho' mawa alki/iitaán dír múk xoordu, as gídaabá matawa ba/án. Gawaá adoorihe inooín harqoomayduú tlakweemaaín kun hatsimiis. Ala hám daxta sakwasleemár Mungú gaa i hardát.

1 Tesalonike 2:16 Iomraidhean Croise

IIMU/UUNGW 15:16

Xwaylarók nin diirí kí/ qoomár qartá tsiyahhe. Asma tlakweemaá múk Amoni sakwasleemar'ín aa xeeriiká.»

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

DANIELI 8:23

«Qoomár waawuti'iimarí bar alhhe'eesaywós gwa eér, nee tlakweemaaín naa bu'uutiyé' alhhe'eesay ngwa ayé', waawutmoó wák oo fuqurángw koóm oo /uuruú koóm ni hardah.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

MALAKI 4:5

«Ga/aawaak, baalaadá' ur ar dae tlaaq ar AAKOÓ MUNGÚ nira hardatká, aníng aarusmo Eliya ngu ya/aáw geerií alé.

Matayo 12:45

in tleér, neetlaamér hatlá' faanqw gan léhh, ar ak tlakw inós ba/a. Nee tari dah, tari baraadá' wa hoot. Nee tlehhemuú heewí in ak tlakúy ló'wa ale ta kuduú geera ba/a. Adoorí an adoodá' mukwí tlákw oo de'emaaká' ku laqi.»

Matayo 23:32

Gimsé', qoomayduú baabi'iihúng naa iimu/uné' hatsiisaak.

Matayo 24:14

Slám ya/abtór hho' ar waawuti'iimár Mungú ka alki/iit baraá yaamu sleémeerowo as iwa lamabu'uungw tleehhit dír xoordu sleémeerowo. Daqaní alhhe'eesaydá' in sangw hardah.»

Matayo 24:6

Kuungá' kángw slaqwara' uqo axasá', nee tsimaahhír slaqwaraaro. Ala ma da'ayuutara', asma muruuwí gár kuwa hariím aqo in geerií hardah, ala alhhe'eesaydá' aa xayká.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Marko 16:16

Oo gaa haratlintatii' kway baatiís ba/ama ga sláy. Oo gaa haratlinti'iiká ku sakwasleemuut.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 14:19

Mukko Yahudi niri hardáh, i Antiokiár daahh nee Ikonio. Mukwí boo/aay guri harakeemiís. Aluuwo inooín Paulo kuri tlaquút ar tlaa/e, kuri duuruxún ar yaamu ay tsee/aá gixsa. Inooín geeraawo ka xui aa qaroó gwaá'.

Tlehhema'aá ya/Abuuse 14:2

Ala múk Yahudi kudaá haratlinti'iiká múk xoordu guri dukún as hhae kiwa aahhi.

Tlehhema'aá ya/Abuuse 14:5

Múk xoordu nee múk Yahudi nee geeraharuuser'ín adór ya/abuuse kar slahh'eemisi nee kar tlaquuti ar tlaa/e kari al'axweés.

Tlehhema'aá ya/Abuuse 17:13

Ala múk Yahudi oo yaamaá Tesalonike kangw kuri axaás adór axweesantá Mungú Paulo ngira alki/iít baraá yaamaá Berearo sleeme. Tari tláy, tari amoodí hardáh, tlaahhi kari qaás, muu kuri amoqwaareés.

Tlehhema'aá ya/Abuuse 19:9

Muu bahh'alé ku sage gawdén, tari sií' haratlintaaooro, loohír Aako kari /ooslislín geeraá boo/oó múk wa ale. Paulo inooín giri geexáy, eeharuuse gari paraátl. Gari ar tláy. Nee umuúqo deelooro iri intsaahhatimís baraá doó shuúlér heeko ta babay Tirano.

Tlehhema'aá ya/Abuuse 21:21

Inooín kaa kangók báy adór kuúng mukduú Yahudi oo baraá tla/ángw xoorduú i dirií', kura intsaahhatimís as hara'ayár Mose makawa eehár. Slám na/ii'ín mikiwa al/utlín, laqaá uunu mingiwa harmagaahhiyé'.

Tlehhema'aá ya/Abuuse 23:12

Looa niwa tleér, múk Yahudi tari al'axweés, lo'o kana /aáy ar tawa /ayinka, slám ta wahiika ay dír Paulo kway gaasi.

Tlehhema'aá ya/Abuuse 24:9

Múk Yahudi sleeme sakwasleemadá' gari ya/án, tari oó', «Kangwsíng sleémeero oo ló'.»

Tlehhema'aá ya/Abuuse 25:2

Kaahamuusér uren ar Mungú nee bariisér múk Yahudi kángw Paulo nguri dirós i alki/iitiyé'. Nguri harhheehhe'eemisiyé',

Tlehhema'aá ya/Abuuse 25:7

Paulo iwa hardáh, múk Yahudi oo naa Yerusalemúr wa /eet, nguna harweeriyé', nguri /ayseenaá yaariír i tlaaqiyé'. Ala looeemaawós laqaamaro kaa aleeslayká.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Tlehhema'aá ya/Abuuse 9:23

Deelór yaariir iwa waaráhh, múk Yahudi tari al'axweés kuwa gaasi.

1 Korinto 10:33

ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

Galatia 5:11

Ala hhaee'eé', án barnaxes kángw al/utlo un alki/iít tawa gár hariím, ala waáy, án misti slahh'eemiis? Ala án geeraawo bar kángw al/utlo un alki/iít adór ir hariín, geera alók heé dukuutsmo i slay i kaahh gawaá alki/ituueé' daanduú msalaábaro.

Efeso 3:13

Ala án kuungá' nu firiím ma mune siaara' as adoorí án tiwa slahh'eemisi as kuungá'. Asma slahh'amaayeerí a xirif dír kuungae.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

2 Tesalonike 2:10

Nee umuúqo loohír al/aymaaro gari tleehh as kudá' sleémeero awa baraá loohír qwanáy i diriiá' ngira qwaareesi. Inooín tan qwaar asma looeema kaa slaiiká ilaooharo, looeemaadá' geeraawo inooín ngi ba/amisá'.

1 Timoteo 2:4

Inós muu sleémeero gu slaa' iwa ba/an nee looeema ngiwa xuiya'.

Ebrania 6:8

Ala yaamuudá' gár naa laqwaliyé' bar laqaya' nee fuquráy, gár i buiya' i káhh. Yaamaá adoorí kaa nak/aás lu'usaro nee Mungú. Alhhe'eesaywo ki daa/ ar asla.

Geehhoeemaá 22:11

Heé /aytusmo i kumiiti baraá /aytaarose. Heé slasla/aruú tlehhaahhiít i kumiiti baraá slasla/aruwose. Heé hota ganaá' i kumiiti baraá gan'amuuwo, nee heé hhoohhoó' i kumiiti tiwa hhoohhoeemisi.»