1 Tesalonike 1:9 - Biblía Axweesantá Hhohho' ar Mungú 2004

⁹ Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

Ya/abtór hho' 1977

⁹ Asma muu inooín awa kilá' iidíguuhúng ngu alki/iitiyá', adór kuungá' atén tira ilaoté', nee adór kuungá' mungi'iihúng kira geexeeré', tari warqeeré' amór Mungú i alé, as Mungúdá' slaáf oo ló' kuwa sagadiyusa',

1 Tesalonike 1:9 Iomraidhean Croise

WARA'AMI 42:2

Muunaáeé' AAKOÓ MUNGÚ guna sa slahhaá' adór heé aa waxiit, Munguúdá' slaáf guna sa slahhaá'. A xaylá ni dír geeraawók i hardah, as kuúng uwa ar?

WARA'AMI 84:2

Aníng do'ók u ló'wa slaá', AAKOÓ MUNGÚ. Muunaáeé' nee slaqwte'eé' kuúng u saqwalaala/iyá'.

ISAYA 37:17

Aá AAKOÓ MUNGÚ, iia qaaseek, axamiís. Aá AAKOÓ MUNGÚ, ilawoge qaytsiít, ta xumís, axweesanaywí sleémeero oo Senakeribu axaaseek, kwí naa ya/aáw iwa Munguú slaáf niqin.

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Tlehhema'aá ya/Abuuse 14:15

«Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

Rumi 9:26

Nee didaádá' aáng inooín kiwa báy, ‹Kuungá' a muk'eeneeká,› didár kilae kin bay, ‹Kuungá' a na/aá Mungú kudá' slaáf.› »

1 Korinto 12:2

Kuungá' a xuá', qoomár kuungá' tawa pakaanáy. Qoomaadae kuungá' ana ya/aandé' tunduwa huwahuwi nee mungi'iidá' afe waslen, kudaá murslaaqat, adoodá' kuungá' tundura geeraharahaár.

DABE 5:26

Xáy, a hee gaalá oo Munguú slaáf gwa axaás oo baraá tla/ángw asltá wa axweés, adoodá' atén kura axasaán nee tay hotaán?

1 Tesalonike 2:1

Hháe, kuungá' kilá' a xuá' adór hardahamuurén kudá' tar tawoorooká.

1 Tesalonike 2:13

Gár hatlá' ar Mungú kuwa sluufmiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiárií qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.

1 Timoteo 4:10

Gaarí an gár atén tas daawimiitaan nee tas ló'wa gadiyuusaan, asma haraxu'utirén aga qaasaán gawaá Munguúdá' slaáf. Inós a Ba/amusmoó muu sleémeero, ak alé oo mukdá' gwa haratlintii'.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.

1 Yohana 5:21

Laqwalór ninakw, munguaá lamto ti harmagahhe'.

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»