1 Tesalonike 1:1 - Biblía Axweesantá Hhohho' ar Mungú 2004

¹ Anuú Paulo nee Silwano nee Timoteo barwaárí ngina gooiimaán amór múk kríshaanáy oo baraá yaamaá Tesalonike, kudá' baraá Mungú Baabá i dirií' nee baraá Aako Yesu Kristo. Mungú kuungá' nu tsuuqi nee nu waydií haniisi.

Ya/abtór hho' 1977

¹ Ánuú Paulo nee Silwano nee Timoteo barwaárí ngina gooiimaán amór múk Kríshaanáy oo baraá yaamaá Tesalonike, kudá' baraá Mungú Baabá i dirií' nee oo baraá Aako Yesu Kristo. Mungú kuungá' nu tsuuqi nee nu waydí haniisi.

1 Tesalonike 1:1 Iomraidhean Croise

Tlehhema'aá ya/Abuuse 15:22

Aluuwo ya/abuuse nee bariise nee kríshaanáy sleémeero oo didií dirií', axweesani kari tsaát tawa kaahi, «Muu un tsawaaraán baraá tla/angwrén wa ale, kuri ya/aawaán nee Paulo nee Barnaba ay Antiokia.» Nee múk taa tsawaár a kwí: Yuda, kudá' ta bay Barsaba, nee Sila. Mukwí an geeraharuuse baraá hhaeewo.

Tlehhema'aá ya/Abuuse 15:27

Gawaá adoorihe Yuda nee Sila ngin ya/aawaán. Inooín axweesanaywí ngun ooiyá' ar afer'ín ar kilá'.

Tlehhema'aá ya/Abuuse 15:40

Ala Paulo Sila guri tsawaár, kuri aleefirín nee hhae as tsuuqaá Aako ngiwa slay, iri tláy.

Tlehhema'aá ya/Abuuse 16:19

Ala daqaareerós adór haraxu'utír daqaari'iimar'ín ira qwát ngiwa aán, Paulo nee Sila kiri uhín, kiri duuruxún ay dír boo/oó muu baraá gixsa, dír doó kwasleema.

Tlehhema'aá ya/Abuuse 16:25

Ala Paulo nee Sila qoomár amsiwo Mungú kuri firín, nee nguri i daaiyé' ar daa'ángw ilahhooa. Nee mukduú hatlá' taa tseegiít ta axamiis.

Tlehhema'aá ya/Abuuse 16:29

Xuumusmoodá' tsaa'asi gari firín kawa huwi. Iri dáh ay baraá do', i hara daaraax as dae. Iri tumbarara'aát dír Paulo nee Sila.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Tlehhema'aá ya/Abuuse 19:22

Múk tsár baraá mukdá' inós gu alee/iimamisa guri ya/aáw ay Makedonia. Mukwí a Timoteo nee Erasto. Ala inósuú kilá' iri Asiár wa hoót deelór hhaawaakahe.

Tlehhema'aá ya/Abuuse 20:4

Inós tina koné' nee Sopatro, garmoó Piro. Inós a heé yaamaá Berea, nee Aristarko nee Sekundo, inooín a múk gixsár Tesalonike, nee Gayo, heé gixsár Derbe, nee Timoteo nee múk tsár oo Asiár daáhh. Inooín a Tikiko nee Trofimo.

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

2 korinto 1:1

Anuú Paulo barwaárí ngina gooiím dinkwa nee Timoteo hhiyaarén. Aníng a ya/abusmoó Kristo Yesu ar adoodá' Mungú aa slaá'. Barwaárí ngina amorhúngií gooiimaán, kuungaásingá' kríshaanáy, kuungaásingá' Mungú ugwa haratlintie' awa baraá yaamaá Korintór i diriia'. Barwaárí ngina dirhúngií gooiimaán, nee dír múk hhohhó' oo Mungú, kudá' sleémeero oo baraá yaamaá Akayár i dirií'.

2 korinto 1:19

Asma Garmoó Mungú, Kristo Yesu, kudá' kangós atén naa dirhúngií alki/itaán, aníng nee Silwano nee Timoteo, a gídaabáheeká inós an «Eeít» nee «Aasla'áy». Ala umuú daqto gár baraawós a «Eeít».

Galatia 1:2

Aníng nee hhae sleémeero kudá' diirí diriiá' barwaárí ngina gooiimaán amór múk kríshaanáy sleémeero oo baraá yaamaá Galatia.

Galatia 1:22

Ala gitsee/aaeé' kaa ariiká nee múk kríshaanáy oo baraá yaamaá Yudea.

Efeso 1:2

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Kolosai 1:1

Anuú Paulo, ya/abusmoó Yesu Kristo ar sla'aarír Mungú, nee Timoteo hhiyaarén, barwaárí ngina gooiimaán

2 Tesalonike 1:1

Anuú Paulo nee Silwano nee Timoteo barwaárí ngina gooiimaán amór múk kríshaanáy oo baraá yaamaá Tesalonike, kudá' baraá Mungú Baabá i dirií' nee baraá Aako Yesu Kristo.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

2 Timoteo 1:2

Barwaárí ngina gooiím amoorók Timoteo, garmaaeé' oo sla'aarusmo. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

Ebrania 13:23

Án kuungá' nu xu'utisár wa slaá', adór hhiyaarén Timoteo kura gweér baraá tseegamooro. Ala inós bar naa hardáh ar gaanslaay, án nee inós ti al koomaán niwa amorhúng i hardahaan.

1 Petro 5:12

Án barwaárí naa amorhúng i gooiimi a Silwano ina alee/iís. Inós a hhiyoó ló'wa inkihhím. Barwaárí ngina gooiím as kuungá' nuwa gurbuu' nee nuwa lamabu'uum gídaabá gaarí a gurtleemuú ló' oo Mungú. Gawaá adoorihe sihhtano hhe'eesé' baraá gurtleemuuwihe.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.