1 SAMUELI 9:9 - Biblía Axweesantá Hhohho' ar Mungú 2004

⁹ Bál geera baraá yaamaá Israeliro hee bira kángw yaahasár áy dír Mungú in ooi, «Axáy, góh amór iigu'utusmo.» Asma heé de'emaakae ta bay aarusmo, bál geera kun bay iigu'utusmo.

1 SAMUELI 9:9 Iomraidhean Croise

IIMU/UUNGW 25:22

Tsiihaywí a daangi. Na/iiká' nina baraá guruuwós wa qwaatliyé'. Inós iri ó', «Ado bar adoorí, gár nis hoot?» Naagáy iri tleér, AAKOÓ MUNGÚ guri yaahás.

2 SAMUELI 24:11

Matloowose Daudi niwa tláy matlaatleero, qoomaarihe AAKOÓ MUNGÚ ina ya/abín ar afkú Gadi, kuduú iigu'utusmoó waawutmo Daudi. Gadi guri báy,

2 WAAWITÁ 17:13

Tam adoorihe AAKOÓ MUNGÚ aaruuse nee iigu'utuuse gana ya/aáw as múk Israeli kuwa nanaaqi nee oo Yudawo, iwa kaahi, «Lohduhúng kwisingá' tlakw mawaak, hara'ayar'eé' iiárií qaasaak, nee daber'eé' eeharaak, tidá' aníng aáng na hara'ayiím dír baabi'iihúng, nee tidá' na hara'iyiím ar loohír sagadiyuser'eé' ar aaruuse.»

1 QOM'I 21:9

Naagáy AAKOÓ MUNGÚ aarusmooduú Daudi ta bay Gadi guri báy,

1 QOM'I 26:28

Mura' sleémeero oo taa paraátl nee Samueliduú iigu'utusmo nee Saulo garmoó Kishi, nee Abneri garmoó Neri, nee Yoabu garmoó Seruya, muruuwí kun xún nee Shelomoti nee hhaeewós.

1 QOM'I 29:29

Kwaynaá daanduú waawutmo Daudi imiír iimu/úngw wa tleemu ay alhhe'eesáy kaa gooín baraá kitaábuú inslaslaangw oo iigu'utusmo Samueli nee oo aarusmo Natani nee oo iigu'utusmo Gadi.

1 QOM'I 9:22

Kuká' sleémeero an kudá' taa tsawaár as tawa xuumuusér afkú do', inooín dinkwaaro a tsiire tsár nee mibaá nee tsár. Inooín kina faár ar adoodá' tlahhi'ii'ín i dirii'iya' baraá ayeemooine. Daudi nee iigu'utusmo Samueli inooín ngina qaminé' baraá gadiyeérí inkihhimuú slaa'.

2 QOM'I 16:10

Axweesantír iigu'utusmo Hanani waawutmo Asa guna buhhtís, Hanani kway dahaás baraá doó tseegamo kway ya'a' tsegiít ar peehhoó iló'. Qoomaadár kilae waawutmo Asa muu bahh ale gway iimu/ún slahh'emisuwo.

2 QOM'I 16:7

Qoomaarihe iigu'utusmo Hanani iri tláy ay dír waawutmo Asa oo Yuda, gway báy, «Kuúng slaqwaruusér waawutmoó Aramu ana haraahhíf ta AAKOÓ MUNGÚ, Munguúwoge, gimáy slaqwaruusér waawutmoó múk Aramu aa gawaá dabaawók wa kotsqót.

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ISAYA 30:10

Inooín iigu'utuuse ngin babaya', ‹Iigu'utu mu ara'araara',› nee aarusmo ngun babaya', ‹Muruurén oo ló' mu kaahaar, ala muruú atén ni sla'aan na alki/iiteek, muruú al/ayma na dahareemiseek.

AMOS 7:12

Naagáy Amasia, Amos guri báy, «Aá iigu'utusámo, quútl, tláw ay baraá yaamaá Yuda, muruú /ayma ku amoodá' wa /ák, nee ta aaririín amoodá' wa ale.

1 Korinto 12:17

Ala slaqwa sleémeero geera barnaxes a ila kilós, geeraawo adór tar axamiisi a adoomá? Nee slám slaqwa sleémeero geera barnaxes an iia kilós, geeraawo adór tar tsaa'amin a adoomá?

HAR'OHUUSE 1:1

Alaá Yoshua iwa gwaá', xoorór Israeli AAKOÓ MUNGÚ, Mungú guri yaahasár eér, guri beér, «AAKOÓ MUNGÚ, tlahhoó geerií slaqwarár áw nee múk Kana'ani a gaalá?»

HAR'OHUUSE 18:5

Inooín kuri báy, «Na'ás, kangwrén kwí dír Munguhe yaahasang, as kawa xuaan áx loohirén tí ta oohaan a gár wa slawaána.»

1 SAMUELI 9:10

Naagáy Saulo sagadiyusmoowós guri báy, «Gár taa ó' ka hhoo', axáy góh.» Tari tláy ay baraá gixsadá' heé Mungú i dirii'i.