1 SAMUELI 9:26 - Biblía Axweesantá Hhohho' ar Mungú 2004

²⁶ Inooín nina daarkiitiyé' matlaatlér boo/e. Da/aáw iwa daa/atutuur, Samueli Saulo guri ateét gawaá kitaara guri báy, «Tlawáng, án kuúng u haydoohiís.» Naagáy Saulo iri tláy, inooín tsaraawo tay tláy.

1 SAMUELI 9:26 Iomraidhean Croise

IIMU/UUNGW 19:14

Loti iri ti'iít, hhawaataá dasuuwós giri ádbeemuú áy, iri oó', «Qwalaasaré', ti'iitaré' baraá ayaawihe, asma AAKOÓ MUNGÚ gixsarí ga qwaarees.» Ala Loti tari adór heé tatlkuús dír hhawaataá dasuuwose.

IIMU/UUNGW 44:4

Alaá tawa ti'iít baraá gixsaro, Yosefu sagesihhtusmooduú oo do'ós guri báy, «Tláw, mukdá' eehareek, bar iga aán, ki beer, ‹Gár hhooeema kisa tlakweemár bué'? Isaangir'eé' tidár muqslír /awak gár kasa fisé'?

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

HAR'OHUUSE 19:28

Gari báy, «Góh a tlawaán!» Ala heé gwa mu/aywaats i kaahh. Gari tleés gari tsa/aás gawaá daanduú daqwaay, heewí iri tláy amór do'ós.

1 SAMUELI 9:25

Naagáy Saulo nee Samueli tari al/ayín baalaadae. Aluuwo tindiwa aweér gáwtá wa ale ay baraá gixsa, qatuú Saulo guri hhaáf gawaá kitaara, niri axweesiyé' gawaadá' wa ale.

1 SAMUELI 9:27

Qoomár tawa awdiiti dír alhhe'eesoó gixsaro, Samueli Saulo guri báy, «Sagadiyusmo ku beer, ‹Giiriím! Kuúng lakiitáng gár niinawe, inós bira tláy aníng axweesantá Mungú ngi dirók i oó'.› »