1 SAMUELI 9:20 - Biblía Axweesantá Hhohho' ar Mungú 2004

²⁰ Ma gurhamutaar as daqwaayeerók tidá' aa qwat deelo tame, asma kaa sláy. Ala heedaádá' múk Israeli i ló'wa slai a heemá, bar kuúng nee múk doó baabuúwogeeká?»

1 SAMUELI 9:20 Iomraidhean Croise

1 QOM'I 29:3

Dinkwa nee tí sleémeero naa haniisi as do'owí hhoohhoó', aníng sahaábu u koóm nee muqslár peesaaro. As doó Munguúeé' nguwa slaa', muruuwí an kwe'eé' nu kilá', aníng un haniisi as doó Munguúeé'.

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

Kolosai 3:2

Muruú gawaá doori na inslaslaawaak umuú siiwaro, ala a muruú baraakaá yaamuuwooká.

1 SAMUELI 10:16

Ala Saulo baabuú niináwós guri báy, «Ngina oó' ar adór gwa/aat, adór daqwaayeedá' kara sláy» Ala kángw waawuti'iima kudá' Samueli aa inós báy ngwa ooiiká.

1 SAMUELI 12:13

«Ala hamí ga/aawaak waawutmoó taa tsawdé' nee oo taa slaé' ga/aawaak, AAKOÓ MUNGÚ waawutmohúng ngwa qaás.

1 SAMUELI 12:15

Ala barnaxes afór AAKOÓ MUNGÚ aga iiárií qasi'iiká, ala aqo hara'ayár AAKOÓ MUNGÚ ana sié', daqaní dákw AAKOÓ MUNGÚ i gawaahúng, kuungá' nee waawutmohunge.

1 SAMUELI 4:20

Tam qoomár iwa istá gwa'arárií diri', /ameenadá' gaa aslaeer, gari beér, «Ma da'iimitaar, asma na/oó garma ugwa xwayluúr.» Ala inós axweesantadá' ga tlaxwká, tam gaa gaárí xu'uká.

1 SAMUELI 8:19

Ala mukdá' afór Samueli kawa iiarií qaasi kana sií', tari oó', «Xáw xeer, atén gár ta sla'aan a waawutmoó atén ti sawaawuti'iím,

1 SAMUELI 8:5

Kuri báy, «Qaytsiít, kuúng aga diín, nee daaqaywók loohirók gaa eehariiká, gimáy, waawutmoorén slawang oo ti sawaawuti'iím ar adór xoorduuqaá hatlá' sleémeero.»

1 SAMUELI 9:19

Samueli Saulo guri mu/aywaáts, iri oó', «Aníng a iigu'utusmo. Geeraaeé' wa giirimeek, tsa/amé' gawa, asma án nee kuungá' laarí an al/ayimaán, matlaatleero tawa tleera' diirihe muruudá' sleémeero tas dawiimit ngu oó'.

1 SAMUELI 9:3

Looár wake daqwaayér Kishi, baabuú Saulo, ina qwát. Kishi garmaawós Saulo guri báy, «Axáy nee sagadiyusmoó wák ti alkoonde', tlawé' daqwaaye leelehhtuú awaak.»