1 SAMUELI 9:2 - Biblía Axweesantá Hhohho' ar Mungú 2004

² Kishi garmoó masoomo gu kón, umuuwós a Saulo, garmoó hhoohhoó', baraá múk Israeliwo heé adór inós ga áw i kaahh hhohh'aariro. Inós a heé tleér muu sleémeero ba/a, asma birta alqoomeesiyé' muu sleémeero dír suumarós gan i qwaqwadín.

1 SAMUELI 9:2 Iomraidhean Croise

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

1 QOM'I 8:33

Neri ina laqwaál Kishi, nee Kishi ina laqwaál Saulo, Saulo ina laqwaál Yonatan, nee Malkishua, nee Abinadabu, nee Eshba'ali.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

FAARO 13:33

Baraadae atén múk dirén una araán, kuduú xwaylár Anaki. Nee atén dir'ine a adór tsaxw'i, adoorí an adór inooín atén tir ga/aya' sleeme.»

1 SAMUELI 10:21

Tlahhoó Benyamini guri saapiís dír múk dooín, múk guruú Matri kuri tsawaár. Múk guruú doó Matri guri saapiís, gina waketaatín umuúqo heewo alaá kuqá', aluuwo Saulo garmoó Kishi kuri tsawaár, ala kuwa leelehhiti kwa ariiká.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»

1 SAMUELI 17:4

Bartá xafayduú múk Filistiro, heé wák oo migusmoó slaqwara nina ti'iít, umuuwós ku bay Goliati, heé gixsár Gati. Inós a heé tleér, tlenaangós a afiqoomoó miíta tám.

1 SAMUELI 9:3

Looár wake daqwaayér Kishi, baabuú Saulo, ina qwát. Kishi garmaawós Saulo guri báy, «Axáy nee sagadiyusmoó wák ti alkoonde', tlawé' daqwaaye leelehhtuú awaak.»