1 SAMUELI 8:7 - Biblía Axweesantá Hhohho' ar Mungú 2004

⁷ AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.

1 SAMUELI 8:7 Iomraidhean Croise

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

ISAYA 66:4

Gawaá adoorihe, aníng i amotlakweérií huúw tidá' i da'ayumitiya' gin sleér, asma qoomár ngiwa ateetiim heé aa ooin i kaahh. Qoomár niwa axweés inooín i axamisiaaká. Ala inooín muruú tlákw nguna tleehhiyé'. Tidá' aníng i sla'tamisaaká ngina tsawaariyé'.»

YEREMIA 34:14

umuú kurkú faanqwe, umuú heewo dirhunge, hhiyaawós oo Yahudi kudá' ta dirósí weeriís, aqo gun gweer alaá lawaali'iimár kureeraá lahhooe. Kár ala baabi'iihúng tidá' aníng ngaa báw, ngaa axasi'iiká, nee ngaa iiárií qaasi'iiká.

ESEKIELI 2:3

iwa báy, «Xáy kuúng heé, u ya/aáw amór múk Israeli, xoorodá' a múk aa dee/anuut, tidá' aníng iga ahh. Inooín aníng iga sadakumamisiyé' ay laarí, adoodá' aáng baabi'ii'ín naa tleehhiyé'.

ESEKIELI 3:7

Ala múk Israeli kuúng u iiaárií qaasiiká, asma inooín aníng iiaárií qaasaro i slaiaaká. Múk Israeli sleémeerowo a múk sage gawdén nee muner'ine.

FAARO 22:20

Naagáy, Mungú Bala'amu guri harati'iít xweeraawo guri báy, «As mukwí kuúng uwa ateetár áy, daqáw ti alkoonde' nee inooín, ala gár ta tlehh a tidá' naa kuúng báw kilós.»

Matayo 10:40

«Heé kuungá' naa ilaoh, a aníng ina ilaóh, nee heé aníng iga ilaoh, a kudá' aníng iga ya/aaw guna ilaóh.

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Yohana 13:16

Án a kah, lawaalmo ku ureeká ta aakoowose, laqaá ya/abusmo ku ureeká ta heedaádá' ngwa ya/aawi.

HAR'OHUUSE 8:23

Gideoni giri mu/aywaáts, giri báy, «Aníng kuungá' nu sawaawuti'iimaaká, laqaá na/ay'eé nu sawaawuti'inká, ala AAKOÓ MUNGÚ an waawutmoohúng.»

1 SAMUELI 10:19

Ala laarí Munguúhúng ugwa sié', inós an kudá' naa tuu/ baraá /aa/eehúng awa slahh'amaaye sleémeero, kuungá' aga oi'iíke, ‹Aasla'áy waawutmoorén qaasang.› Ala hám daxta burumburiité' dír geeraá AAKOÓ MUNGÚ, ar gur'ér marayhúng.»

1 SAMUELI 12:1

Samueli múk Israeli sleémero guri báy, «Qayté', aníng aforhúng aga iiárií qaás baraá muruudá' sleémeero naa án beeri'i, aníng waawutmoohúng nguri qaás.

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.

1 SAMUELI 8:22

AAKOÓ MUNGÚ Samueli guri báy, «Afor'ín iiárií qaaseek, waawutmooín slaweek.» Samueli múk Israeli guri báy, «Tlawé' watlé' amór marayhúng.»

1 SAMUELI 8:8

Tlehhmi'ii'ín sleémeero iimír ngiwa baraá yaamaá Misrír wa duúx tam ay laarí aqo aníng in siaainá', nee munguaá hatlá' ngin sagadiyumaamisiyá', adoorí an adoodá' tindi kuúngí tlehhiiti hamí.