1 SAMUELI 8:6 - Biblía Axweesantá Hhohho' ar Mungú 2004

⁶ Ala axweesantír xoorór Israeli iwa waawutmoó iinus Samueli guri gurboo/és, Samueli AAKOÓ MUNGÚ guri firór áy.

1 SAMUELI 8:6 Iomraidhean Croise

WARA'AMI 109:4

Handá' aníng inooín ina mak slaá', ala ina sakwasleemuutiyé', tam adoorihe ina aleefiririím.

TI'INAANGW 32:21

Mose Aroni guri báy, «Gár mukwí naa kuúngií tleéhh a milá, tlakweemaá ur awa adór kuká' kiri dir'ínií húp?»

TI'INAANGW 32:32

Na'ás, tlakweemaaín gurtlaweek, ala barnaxes i gurtleeraaká, umuueé' fiitseek baraá kitaábuudá' umér mukók ki gooiindi.»

HOSEA 13:10

Waawutmohúng daxta hamí i amá oo nu tuú/? Geeraharuuserhúng gaálaay as kuungá' as nuwa xuun? Kudá' kuungá' tawa oé', «Waawutmoorén slawang nee geeraharuuseero as tiwa sawaawuti'ina'.»

FAARO 16:15

Mose iri ló'wa buúhh, AAKOÓ MUNGÚ guri báy, «Ilahhooár mukwí ma oohaar. Aníng daqoó hee oo naa ar tláw i kaahh, laqaá heé naa slahh'eés i kaahh.»

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 16:46

Mose Aroni guri báy, «Xooslomoowók taataahheek, asltadár gawaá kitángw ilahhooa ka gawaawós i qás, nee mooyángw tsuú' ku gawaá asltadá' i qás, ta'aaiím ar gaanslaay amór dinku'uumár muu, haraki/isa tleehheek as inooín. Buhhtaá AAKOÓ MUNGÚ naa hardihiyé', asma tiqtír pu/i aa qaroó iimu/uún.»

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.

1 SAMUELI 10:19

Ala laarí Munguúhúng ugwa sié', inós an kudá' naa tuu/ baraá /aa/eehúng awa slahh'amaaye sleémeero, kuungá' aga oi'iíke, ‹Aasla'áy waawutmoorén qaasang.› Ala hám daxta burumburiité' dír geeraá AAKOÓ MUNGÚ, ar gur'ér marayhúng.»

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.

1 SAMUELI 7:5

Samueli iri oó', «Múk Israeli sleémeero burumburaak Mispa, daqaní aníng nu alefiriím dír AAKOÓ MUNGÚ.»