1 SAMUELI 8:3 - Biblía Axweesantá Hhohho' ar Mungú 2004

³ Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.

1 SAMUELI 8:3 Iomraidhean Croise

2 SAMUELI 15:4

Slám, Absalomu guri bay, «A tsiní geera aníng birta har'ohusmoó wa qaás baraá múk Israeliro. Daqaní umuúqo heewo oo ta inuusi, laqaá oo kwasleemár koóm nin amor'eé' hardah aníng kwasleemarós ngari tsaát ar adór ganaa'.»

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

WARA'AMI 26:10

Inooín umuúqo daqto tlehhimi'ii'ín ki tlakw, nee hotangw'ín gár iwa haáts a slukmadu.

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 23:6

«Gan'amuú narkutmo mu qwaareesaar baraá kwasleemarose.

TI'INAANGW 23:8

Kuúng slukuma ma /ayaar, asma slukuma heé muruú tsatsahhaám gun iimi giwís, nee kwasleemár ganaa' ar hee gan hhitiín.

DAHARUSMO 2:19

Xáy, heé ga xuú' adór heedaádá' tar heé sagaloó' laqaá daktani? Tam adoorihe muruudá' aníng naa tleéhh ar sagalooar'eé' baraá yaamuukae inós gun aal. Tí sleémeero a tawór huwisha.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.

1 SAMUELI 12:2

Hám daxta qaytsité', waawutmo kuungá' nun geeraharahaar, aníng aga diím, saga al/awtani gwaa gás, qaytsité', kuungá' nee daaqay'eé' a dinkwa, aníng kuungá' nuna geeraharahaár iimír masombi'iimar'eene, tay laarí.

1 SAMUELI 2:35

Aníng kaahamusmoó inkihhím nguri sihhtís, oo mura' sleémeero gu tleéhh ar adór ni slaa' baraá muunaáeene, nee baraá inslaway'eene. Aníng tlahhaywós u tlahhás, inós iri gadiyuus dír geeraá waawutmooeé' kudá' taa iimbalaáx ar di/i kureerisleém.