1 SAMUELI 8:20 - Biblía Axweesantá Hhohho' ar Mungú 2004

²⁰ as kahhó' atén a slaqmís nee xoordaá hatlá' sleémeero, waawutmo kwasleemadurén ngin tlaaq, slám masók ti geeraharahaar, nee ti aleeslaaqw baraá slaqwaraaro.»

1 SAMUELI 8:20 Iomraidhean Croise

WARA'AMI 106:35

ala tina haragwaiyé' nee múk xoordaá hatlá', kiri dawaqaás nee múk xoordaá hatlá' tlehhmi'ii'ine.

TI'INAANGW 33:16

Asma adór ir xu'utit adór aníng kuúng ira gurií bá/ barnaxés kuúng a dinkwa nee ateneeká? Kuúng bar dinkwa nee atén daqaní atén a múk dimbé baraá tla/ángw muu sleémeero oo daanduú yaamuwo.»

FAARO 23:9

Asma aníng inooín ina iimír gawaá sagér tla/ú wa ár, inooín ina gawaá sagér gongoamaá wa ár. Xoorór kilós hoot, xoorór ti harafaditaaká tawa alqon nee xoordaá hatlá'.

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.

1 SAMUELI 12:2

Hám daxta qaytsité', waawutmo kuungá' nun geeraharahaar, aníng aga diím, saga al/awtani gwaa gás, qaytsité', kuungá' nee daaqay'eé' a dinkwa, aníng kuungá' nuna geeraharahaár iimír masombi'iimar'eene, tay laarí.

1 SAMUELI 8:5

Kuri báy, «Qaytsiít, kuúng aga diín, nee daaqaywók loohirók gaa eehariiká, gimáy, waawutmoorén slawang oo ti sawaawuti'iím ar adór xoorduuqaá hatlá' sleémeero.»