1 SAMUELI 8:16 - Biblía Axweesantá Hhohho' ar Mungú 2004

¹⁶ Inós lawaalerhúng ar hhawaate nee ar /ameenaaro ginar tláy, nee hikwaahúng awa hho' ló'wa alé, nee daqwaayerhúng, inós giri gadiyeérós ar tleehh.

1 SAMUELI 8:16 Iomraidhean Croise

DAA'AANGW 3:7

Ga/aaweek, kitángw Solomon kur loohisi. Inós kwa gagaár ar kitaangós oo waawuti'iima, kwa harweér nee xuumuusér mibeeri lahhoó', múk /uuruú koóm oo Israeli.

Luka 12:45

Ala i ya/aán sagadiyusmoodá' iwa baraá muunaáwósí ooi, ‹Qaytsiít, aakooeé' ki/imawo naa tliík.› Ala tí ooaro binga hhe'eés, sagadiyuuseedár hatlá' ar hhawaate nee ar /ameenaaro gari muxtár áy. Inós iri /ayín nee iri wahán nee iri ooniit.

1 SAMUELI 8:15

Inós balangwhúng guri koódír wa tlaaq, nee sabiíbuuhunge sleeme, baraá qwaree/amaá mibaango oo wák gun tsaat, guri haniis dír geraharuuseerós nee sagadiyuuseerós.

1 SAMUELI 8:17

Baraá daqoorayhúng oo hikwawo ar wák baraá hikwaá mibaango a tós, nee kuungá' tari lawaaleerós.