1 SAMUELI 7:9 - Biblía Axweesantá Hhohho' ar Mungú 2004

⁹ Samueli deelmoó bee/i oo qaá' guri óh, guri haniís dír AAKOÓ MUNGÚ as ilahhooa, kuri daá/ adoodá' al'alé. Samueli iri /aa/amín dír AAKOÓ MUNGÚ as múk Israeli, AAKOÓ MUNGÚ iri axaás.

1 SAMUELI 7:9 Iomraidhean Croise

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

TLAHHOÓ LAÁWI 22:27

«Awu, laqaá gwaanda, laqaá gurta oo taa laqwaál in dír aayorós wa du'ún deelo faanqw, ala iimír bál dakaate i ya/án tawa ilahhooár ta da/i ar asla dír AAKOÓ MUNGÚ.

DABE 9:26

Aníng AAKOÓ MUNGÚ una firiím, niwa kah, ‹Aá AAKOÓ MUNGÚ, mukók kuduú aalirók mu qwaareesaar, mukdá' taa ba/amís nee taa baraá yaamaá Misrír wa dúx ar aleesleemu nee ar /uuruú úr.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

HAR'OHUUSE 6:26

Kitángw ilahhooa oo AAKOÓ MUNGÚ, Munguúwók ku tlaa/ér tléhh gawaá koo/ír gawit. Daqaní awuduú tsár ku dá/ as tawa ilahhooár da/a, slaqsayduú Ashera taa fé/ migír tiwa hamis.»

HAR'OHUUSE 6:28

Qoomár matlaatleero múk gixsadá' tawa tseewa tláy qatuwo, naxés kitangwduú Ba'ali kuwa ilahhooárí hanmaamisi kwa feé/, nee slaqsayduú Ashera bihhaadií dirií' kwa yaamií daáhh, nee awuuduú tsár kwa ilahhooár wa haniís gawaá daanduú kitangwdá' taa tleéhh.

1 SAMUELI 10:8

Kuúng tari geeraaeé' wa giiriín, ta /ét ay Gilgali, ga/aaweek án niqo amoorógí /eét, asma ilahhooár da/a ngiwa haniis nee ilahhooár wayda ar muruú ta tsu/i. Deelo faanqwe án daamáng ay dír ni hardah, daqaní gár uwa hariim tleehhamooro ngi laqaám.»

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 16:2

Samueli iri oó', «Adór nir daqaw? Saulo bar kangwsíng ngwa axaás, aníng i gaas!» Naagáy AAKOÓ MUNGÚ iri oó', «Dama huweek, daqaní ta o', ‹Nina hardáh as AAKOÓ MUNGÚ nguwa ilahhooár gaasárií haniis.›

1 SAMUELI 2:35

Aníng kaahamusmoó inkihhím nguri sihhtís, oo mura' sleémeero gu tleéhh ar adór ni slaa' baraá muunaáeene, nee baraá inslaway'eene. Aníng tlahhaywós u tlahhás, inós iri gadiyuus dír geeraá waawutmooeé' kudá' taa iimbalaáx ar di/i kureerisleém.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.

1 SAMUELI 9:12

Inooín kiri mu/aywaáts kiri báy, «I deer, hanoos i geerahúng, haraquutlé' hamí, asma laarí ilahhooár muruú ta tsu/i ka kón dír kitangwduú ilahhooa oo gawaá gongoamo.