1 SAMUELI 7:3 - Biblía Axweesantá Hhohho' ar Mungú 2004

³ Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»

1 SAMUELI 7:3 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

1 WAAWITÁ 11:33

Aníng adoorí a tleéhh asma Solomon aníng iwa geexáy, munguaá hatlá' gina sluufmisuú áy, kudá' ta bay Ashtaroti, munguú /ameeni kuduú múk Sidoni, nee Kemoshi, munguú múk Moabu, nee Milkomu, munguú múk Amoni. Solomon aa dee/aanuút, tlakweema gaa tleéhh dír geeraaeene, nee kaahir'eé' gaa oohiiká nee axweesante'eene. Adoodá' baabuúwós Daudi aa tleéhh inós gaa eehariiká.

1 WAAWITÁ 8:48

Nee qoomaasinge barta baraá yaamaá wakuuser'ín taa hhu'uu'ún ar muner'ín sleémeero ar kilá', nee ar fuqurangw'ín sleémeero, nee bar taa firín tawa amór ayaaín ga/ay, kudá' taa baabi'ii'ín i hanís, laqaá barta amór gixsarí kuúng taa tsawát ga/áy, nee amór do'owí aníng naa tleéhh as umuuwók,

2 WAAWITÁ 17:39

ala aqo har aníng AAKOÓ MUNGÚ, Munguúhúng kilós in sluufmisá', daqaní aníng kuungá' nu tuú/ baraá dabaá wakuuserhunge.»

2 WAAWITÁ 23:15

Tam adoorihe kitangwduú ilahhooa, kuduú Beteli oo gawaá gongoamo oo Yeroboamu garmoó Nebati, kudá' múk Israeli gwaa baraá tlakweemií dahaas, aa tleéhh, guna feé/, wa/eeridaá ilahhooa awa gawaá gongoam' gana feé/, tlaa/eewós giri naasúy adór teeri, slaqsa'aá Ashera giri daá/ ar asla.

1 QOM'I 22:19

Gimsé', daxta AAKOÓ MUNGÚ, Munguúhúng, leelehhaak ar inslawayhúng nee ar munerhúng sleémeero. Tlawsé', doó AAKOÓ MUNGÚ tleehhaak, as kahhó' sandakmoó alqado oo Mungú nee xosluudá' hhohho' kawa qaasi baraá do'oduú AAKOÓ MUNGÚ.»

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 19:3

Ala tam adoorihe kuúng hhooeemakaariya' iga tléhh. Slaqsi'i sleémeero kudaá munguúdá' ta bay Ashera iga hingés, nee aga ilakaaharés Mungú kuwa leelehhit ar muunaáwók sleémeero.»

2 QOM'I 20:33

Tam adoorihe wa/angwduú gawaá gongoama' kudá' munguaá hatlá' kiwa sluufmaamisi gwaa fee/iiká, nee muu muner'ín ngaa amór Munguú baabi'ii'ín xu'usi'iiká.

2 QOM'I 30:19

kuúng u firirimá' ar muner'ín sleémeero, kuúng AAKOÓ MUNGÚ, Munguú baabi'ii'ín, tam inooín ki hhohhoeekahe ar adoodá' dabeedár hhohhoeesa i diri'.»

AXWEESANOÓ SAGALOOA 16:1

Alhotaariro hee gár i ooi gan ala baraá guruuwós i qoomees, Ala /aymuú qoóm a amór AAKOÓ MUNGÚ gan daahh.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 4:1

AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

ESEKIELI 14:6

«Gimáy, múk Israeli baweek, Aakoó MUNGÚ i kaahi, ‹Hhu'uu'umé' nee slaqsi'iidaá munguaá hatlá' mawaak sluufmisuwo. Muruú aníng i buhhtamís mawaak tlehhtuwo.›

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

Matayo 15:8

‹Mukwí aníng in ilaiwawaa/ ar afér tawo, ala muner'ín ka sawen dir'eene.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Luka 4:8

Yesu iri oó', «Kaa gooín, ‹Aakoó Munguúwók na sluufmiseek nee ku sagadiyús inós kilós.› »

Yohana 4:24

Mungú a qeeru, nee mukdá' inós gu sluufmiís, gár kuwa hariím a kun sluufmiis ar baraá qeeru nee looeema.»

DABE 10:20

AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

DABE 13:4

AAKOÓ MUNGÚ, Munguúhúng un eehadá', nee inós kilós un ilaiwawa/á' nee hara'ayaarós an otá', nee afoorós an iialooesá'. Inós un sagadiyusá', nee an dirósí naga'atá'.

DABE 4:29

Baraá yaamuudaá kilae kuungá' AAKOÓ MUNGÚ, Munguúhúng kuri leelehhitá', nee kuungá' un sleerá' bura leelehhité' ar munerhúng sleémeero nee ar qeeremoohúng sleémeero.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

YOSHUA 13:31

Yaamuuín ayeemaá naa haraoohiyé' a tlaqtá yaamaá Gileadi ay Ashtaroti nee Edrei, gixsadaá aáng awa waawutmo Ogu baraá Bashaniro aa sawaawuti'ín. Yaamuuká' sleémeero kina qasiís dír tlaqtá múk guruú doó Makiri, garmoó Manase ar adoodá' múk dooín i dirii'i.

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

YOSHUA 24:23

Yoshua giri báy, «Gimsé', munguidaá /eetuuse amoosií kwahhaak, kudá' baraá tla/eerihúngií diriiá', daqaní faakisé' baraá munerhunge amór AAKOÓ MUNGÚ, Munguú Israeli.»

HAR'OHUUSE 10:16

Múk Israeli munguiidaá /eetuuse kiri kwaáhh, AAKOÓ MUNGÚ nguri sagadiyuusiyé'. AAKOÓ MUNGÚ muunaáwós iri gurhamuút as slahh'amuú múk Israeli.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 2:11

Múk Israeli tlakweema kina tleéhh dír ilaá AAKOÓ MUNGUHE, inooín Ba'ali ngway sagadiyuusiyé'.

HAR'OHUUSE 2:13

AAKOÓ MUNGÚ nguna mayé', Ba'ali nee Ashtaroti ngiri sagadiyusiyé'.

1 SAMUELI 31:10

Xosluuwós kudaá slaqwara kina qaás baraá doó Munguúín kudá' ta bay Ashtaroti, slaqwtós kari tarereé' gawaá gee/oó gixsár Bet-shani.