1 SAMUELI 7:10 - Biblía Axweesantá Hhohho' ar Mungú 2004

¹⁰ Qoomár Samueli iwa ilahhooadár da/tá hanmisi, xoorór Filisti iri tseewuúr dír xoorór Israeli, as kawa tsitsiihhi, ala AAKOÓ MUNGÚ iri slaáqw ar kwarara/ár yaariir amór múk Filistirí ale baldae, giri amoqwaareés. Xoorór Filisti kari tlatlahhaás dír geeraá xoorór Israelír wa ale.

1 SAMUELI 7:10 Iomraidhean Croise

WARA'AMI 18:15

AAKOÓ MUNGÚ, wakuuseerók kawa iigahhát, kawa dae tsát ar buhhtaawók, iloodaá tlawi niri geehhouyé', iihhafiirír yaamu iri geehhoouúr.

WARA'AMI 29:3

Afór AAKOÓ MUNGÚ ka axamiis, i gawaá ma'aay. Munguú xiríf kwarara/a ga kududuhuus. Afór AAKOÓ MUNGÚ ka axmiis gawaá daanduú tlabeemo!

WARA'AMI 29:4

Afór AAKOÓ MUNGÚ i /uuruú koón. Afór AAKOÓ MUNGÚ i aleesleemuú koón.

WARA'AMI 78:66

Wakuuseerós gari muúx, nari guwiyé' alií alé, gari mureekeés ay alhhe'eesay wasle.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

DABE 28:7

«AAKOÓ MUNGÚ kuúng un baalírí haniis dír wakuuseerók ar ugwa i haratleeri. Inooín barnaxes ugwa i haratlayé' ar loohír wák, inós gi diyaa/ ar lohdu faanqw.

YOSHUA 10:10

AAKOÓ MUNGÚ múk Amori guri dae tsaát dír slaqwaruusér Israelír wa aleeró. Múk yaariír kuri tsuú/ nee múk Israeli baraá Gibeonír wa ale, kuri eehár ay Bet-horoni, kuri alkón, kuri puruúts ay Aseka nee Makeda. Amoodae múk yaariír kuri tsuú/ sleeme.

HAR'OHUUSE 4:15

Baraka nee mukós slaqwaruusér Sisera kana tsitsiíhh ar paangadu, AAKOÓ MUNGÚ Sisera nee slaqwaruuseerose gari amoqwaareés, nee garduuín sleémeerowo dír geeraá Baraka wa ale. Sisera iri aweér gawaá gaariirós wa alé, iri tiaaín ar ya'a'.

HAR'OHUUSE 5:20

Tsatse/uú gawaá doori ina dinku'uús baraá slaqwararo, loohir'ín gana eehár tari slaáqw nee Sisera.

HAR'OHUUSE 5:8

Qoomár munguaá /aben ngiwa tsawaariyé', slaqwara niri ti'ít baraá ayko. Ala hee i deéro oo lawaala gaa taataahh, laqaá gaamboót, baraá tla/ángw slaqwaruusér kume mibeeri tsiyáhh ar Israeliwo?

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 14:15

Baraá yaamuudaá múk Filistiro, muu sleémeero iri amooqwaár, slaqwaruusér baraá xafaay nee múk baraá qamuuwo, nee xuumuusér baraá koo/ír gawit sleeme, nee kudá' naa haratlay'i, sleémeero gur'e ma'aay ngiri dala/iyé', tam yaamu sleeme nina daraxaatiyé', nee muu sleémeero iri kángw kilá' wa da'ayuút.

1 SAMUELI 2:10

Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»

1 SAMUELI 7:11

Xoorór Israeli iri ti'ít Mispa wa ale, múk Filisti kuri aluúwaá eehár ay baraá Bet-kari, kuri hhaamiís.