1 SAMUELI 6:6 - Biblía Axweesantá Hhohho' ar Mungú 2004

⁶ Ala waáy munerhúng mas gawdemisá', adór mukduú Misri nee Farao muner'ín kara gawdeés? Alaá Mungú múk Misri nguwa slahh'eemiís, xáy mukduú Israeli kwa geemaykáhe?

1 SAMUELI 6:6 Iomraidhean Croise

YOBU 9:4

Inós sagalooár yaariir ga kón, nee /uuruú yaariír gu kón, heé gu qiítl tlampa'aasaro nee iri baalín a heemá?

WARA'AMI 95:8

Munerhúng ma gawdesaara', adór kangwdá' aa tleehharuut didár Meribár wa ale, nee didár Masa baraá xaanxaay.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 14:23

Múk Misri giri aluú wa alkón, tari dáh baraá tla/ángw tlawi, farsuú Farao sleémeero nee gaarduuwose, nee mukdá' gaardaá madiita.

TI'INAANGW 4:21

AAKOÓ MUNGÚ Mose guri báy, «Qoomár bar aga kí/ baraá yaamaá Misri, qaytsiít tlehhmi'iidaá sleémeero awa waa/oo/amo, kudá' aníng kuúng uwa aleesleemúy haniís, tleehheek dír Farao wa ale. Ala aníng muunaáwós u gawdeés, nee inós kuungá' nu geemayká.

TI'INAANGW 7:13

Tam adoorihe muunuú Farao iri ak gawdúy, inooín giri iiárií qaasiiká, ar adoodá' AAKOÓ MUNGÚ ngira oó'.

TI'INAANGW 7:14

AAKOÓ MUNGÚ Mose guri báy, «Muunuú Farao ku ló'wa boó/, inós aa ló'wa sií' muu nguwa geemay.

TI'INAANGW 8:15

Ala Farao tsiní ngiwa ár, muunaáwós guri gawdeés, inooín gaa sangw iiárií qaasiiká adoodá' AAKOÓ MUNGÚ ngira oó'.

TI'INAANGW 8:32

Ala Farao muunaáwós guri malé gawdeés, mukdá' gwa geemayká iwa tlay.

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

TI'INAANGW 9:34

Ala qoomár Farao ngiwa ár tluwayduú tlaa/e nee kwarara/aaro naa faakiyé', inós nee geeraharuuseero tari ak kumiít tlakweema tlehhtuuwo, muner'ín ngiri ak gawdeesiyé'.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.