1 SAMUELI 6:4 - Biblía Axweesantá Hhohho' ar Mungú 2004

⁴ Tari yaahaás, «Muruuwí ta hanisaan as dakuús hingeesa a muruú adoomá?» Inooín kari mu/aywaáts, «Slaqsoó um'i awa kooán awa taa tleéhh ar sahaábu, nee slaqsa'aá gareeraá kooán awa taa tleéhh ar sahaábu. Masók faaror'ín i alqoná', nee ar geeraharuusér múk Filisti, asma kuungá' sleémeero nee geeraharuuserhunge pu/i nuna al'ohiín.

1 SAMUELI 6:4 Iomraidhean Croise

TI'INAANGW 12:35

Adoodá' Mose nga báy ngiri tleehhiyé', múk Misri nguri firiné' xooslaá muqslír peésaaro nee ar sahaábuwo nee tlabaawo.

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.

HAR'OHUUSE 3:3

Xoorduudá' taa máy an kuká': Ayeemaá kooán awa waawituú Filisti nee múk Kana'ani sleémeero, nee múk Sidoni, nee múk Hifi, kudá' baraá tlom'aá Lebanonír hootá', iimír tloomár Ba'al-hermonír wa tleemu ay Lebo-hamati.

1 SAMUELI 5:12

Mukdá' aa qatliiká kuna tiqtír um'ií kwaáhh. Tsuunquusmoó muu baraá gixsaro ay doori.

1 SAMUELI 5:6

Ala AAKOÓ MUNGÚ múk Ashdodi nee múk yaamaá isaapaydá' giri slaáhh ar xaraasleema, giri daandeemo feehhamiís. Mungú giri tiqtír um'i kwaáhh.

1 SAMUELI 5:9

Alaá kuwa loohatís ayaadá', Aakoó Mungú gixsadá' gari slaáhh, giri ló'wa daandeemo feehhamiís, hhawaataá ayaadá' giri tiqtír um'ií kwaáhh, bariise nee masoombaro, um'i ngiri uhaahiné'.

1 SAMUELI 6:5

Gawaá adoorihe slaqsa'aá um'iidá' naa ohine' tleehhaak nee slaqsa'aá gareeraá hhituuse baraá yaamuwo, kuungá' Munguú múk Israeli kuri xirfayesá', dooqa Mungú dakós gu har'oh gawaahunge, nee gawaá munguiihunge, nee baraá ayaahunge.

1 SAMUELI 6:8

Sandakmoó alqadór AAKOÓ MUNGÚ ku qasá' gawaá gaári, nee muruudá' taa tleéhh ar sahaábu, tawa muruú ta huba', kuwa hanisa' as dakuús hingeesa, ku qasá' baraá lakwaanti dír bihhiwós, sandakmoó Mungú daqaní kur tláy nee hikwa amór ngur slaiya'.