1 SAMUELI 6:3 - Biblía Axweesantá Hhohho' ar Mungú 2004

³ Inooín tari oó', «Sandakmoosuú Munguú Israeli bur ki/isá', mu kaahareema ki/isara', ala ma dakuusara', muruú ilahhooár dakuús hingeesa ti alhube', daqaní a /uurá', slám gár slahh'amaayér dakós kasa hingeesiiká dirhunge kingi laqaán.»

1 SAMUELI 6:3 Iomraidhean Croise

YOBU 10:2

Mungú un baw, «Án mi sakwasleemutaar, ala na xu'utisáng gár án nee kuúng tis tlampa'amisaan.

TI'INAANGW 23:15

Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

TI'INAANGW 34:20

Barisuú daqwaay un waa'alát ar deelomoó bee/i, ala barnaxés u sla'aká waa'alaharo, isa geeqaweek. Nee na/iiwók awa baris sleémeero in waa'alát. «Hee mindiwa dír geeraaeé' káy ar dákw kaahaár.

TI'INAANGW 8:15

Ala Farao tsiní ngiwa ár, muunaáwós guri gawdeés, inooín gaa sangw iiárií qaasiiká adoodá' AAKOÓ MUNGÚ ngira oó'.

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

TLAHHOÓ LAÁWI 6:6

Gwaanduú xaslxaansli wásl gun huuw dír kaahamusmoó Mungú as tawa ilahhooár dakuús hingeesa dír AAKOÓ MUNGUHE, laqaá gár alqoomá' nee tidár tlakweema hingeesa.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

1 SAMUELI 5:11

Gawaá adoorihe muu kuri ya/aáw geeraharuusér múk Filisti sleémeero kari burumbuúr, tari oó', «Sandakmoosuú Munguú xoorór Israeli, hingeesaak, ki/isaak malé ale amoodií dahhi. Asma atén mitiwa tsuú/, tam nee mukrene.» Asma muu wa/aa/ír yaariir guna eér, ar daér gwa'ara baraá gixsa sleémeerowo, asma Mungú ngiwa ló'wa slahh'eemisi.

1 SAMUELI 5:7

Mukduú Ashdodi, adoodá' ngiwa ár, tari oó', «Sandakmoowú alqadór Munguú Israeli xaasé' u ayaaréní mawaanaaká, asma Mungú xoorór Israeli ti slahh'eemiis, atén nee munguúrén Dagoniwo.»

1 SAMUELI 5:9

Alaá kuwa loohatís ayaadá', Aakoó Mungú gixsadá' gari slaáhh, giri ló'wa daandeemo feehhamiís, hhawaataá ayaadá' giri tiqtír um'ií kwaáhh, bariise nee masoombaro, um'i ngiri uhaahiné'.

1 SAMUELI 6:8

Sandakmoó alqadór AAKOÓ MUNGÚ ku qasá' gawaá gaári, nee muruudá' taa tleéhh ar sahaábu, tawa muruú ta huba', kuwa hanisa' as dakuús hingeesa, ku qasá' baraá lakwaanti dír bihhiwós, sandakmoó Mungú daqaní kur tláy nee hikwa amór ngur slaiya'.

1 SAMUELI 6:9

Kuungá' xumiisé', barnaxes nguna huwiyé' ay baraá ayaaín oo Bet-shemeshi, daqaní ka xuá' adór heé atén taa um'ií kwaahh tar Munguú Israeli. Ala barnaxes ngwa ayaaíní huwi'iiká, a xu'aán adór inós tira slahhiiká, daqaní gaarí aqo tiqtír na tawo /et.»