1 SAMUELI 6:16 - Biblía Axweesantá Hhohho' ar Mungú 2004

¹⁶ Geeraharuuseedá' kooán ar múk Filisti, adoorí kawa ár, tari kií/ Ekroni baalaadár kilae.

1 SAMUELI 6:16 Iomraidhean Croise

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

HAR'OHUUSE 16:5

Geeraharuusér múk Filisti gari i daqeér, gari beér, «Samson harhheehhe'eesang, daqaní masók adór kur slawaan ngi dirók i oo'. Atén un tseegaán nguri slahh'eemisaán. Umuú heewo direne peésár kume mibaá nee wak ngi haniis.»

HAR'OHUUSE 3:3

Xoorduudá' taa máy an kuká': Ayeemaá kooán awa waawituú Filisti nee múk Kana'ani sleémeero, nee múk Sidoni, nee múk Hifi, kudá' baraá tlom'aá Lebanonír hootá', iimír tloomár Ba'al-hermonír wa tleemu ay Lebo-hamati.

1 SAMUELI 5:10

Sandakmoó Mungú kuri huúw ay Ekroni. Aluuwo sandakmooduú Mungú iwa hardáh Ekroni, mukduú Ekroni tsimahhiro yaamu gina gaamiís, tawa kaahi, «Sandakmooduú Munguú múk Israeli kungwa ayaarén i huúw. Atén nee mukrene ti xooro qwaarees.»

1 SAMUELI 6:12

Nee hikwaadá' loohi ngina oohiyé' naa bihhaá xui'iiká ay Bet-shemeshi, loohír iintlaaxw ngina oohiyé', iwa hi'itiya' i hara aahhaminá'. Ala naa inooín naa bihhií pasli'iiká, nee geeraharuusér Filisti ina aluúwaá eehariín ay digmuú Bet-shemeshi.

1 SAMUELI 6:4

Tari yaahaás, «Muruuwí ta hanisaan as dakuús hingeesa a muruú adoomá?» Inooín kari mu/aywaáts, «Slaqsoó um'i awa kooán awa taa tleéhh ar sahaábu, nee slaqsa'aá gareeraá kooán awa taa tleéhh ar sahaábu. Masók faaror'ín i alqoná', nee ar geeraharuusér múk Filisti, asma kuungá' sleémeero nee geeraharuuserhunge pu/i nuna al'ohiín.