1 SAMUELI 5:9 - Biblía Axweesantá Hhohho' ar Mungú 2004

⁹ Alaá kuwa loohatís ayaadá', Aakoó Mungú gixsadá' gari slaáhh, giri ló'wa daandeemo feehhamiís, hhawaataá ayaadá' giri tiqtír um'ií kwaáhh, bariise nee masoombaro, um'i ngiri uhaahiné'.

1 SAMUELI 5:9 Iomraidhean Croise

WARA'AMI 78:66

Wakuuseerós gari muúx, nari guwiyé' alií alé, gari mureekeés ay alhhe'eesay wasle.

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.

DABE 2:15

AAKOÓ MUNGÚ inósuú kilá' gina haraganaá', giri hhaamiís baraá slumooín tam sleémeero giri hhaamiís.

1 SAMUELI 12:15

Ala barnaxes afór AAKOÓ MUNGÚ aga iiárií qasi'iiká, ala aqo hara'ayár AAKOÓ MUNGÚ ana sié', daqaní dákw AAKOÓ MUNGÚ i gawaahúng, kuungá' nee waawutmohunge.

1 SAMUELI 5:10

Sandakmoó Mungú kuri huúw ay Ekroni. Aluuwo sandakmooduú Mungú iwa hardáh Ekroni, mukduú Ekroni tsimahhiro yaamu gina gaamiís, tawa kaahi, «Sandakmooduú Munguú múk Israeli kungwa ayaarén i huúw. Atén nee mukrene ti xooro qwaarees.»

1 SAMUELI 5:11

Gawaá adoorihe muu kuri ya/aáw geeraharuusér múk Filisti sleémeero kari burumbuúr, tari oó', «Sandakmoosuú Munguú xoorór Israeli, hingeesaak, ki/isaak malé ale amoodií dahhi. Asma atén mitiwa tsuú/, tam nee mukrene.» Asma muu wa/aa/ír yaariir guna eér, ar daér gwa'ara baraá gixsa sleémeerowo, asma Mungú ngiwa ló'wa slahh'eemisi.

1 SAMUELI 5:6

Ala AAKOÓ MUNGÚ múk Ashdodi nee múk yaamaá isaapaydá' giri slaáhh ar xaraasleema, giri daandeemo feehhamiís. Mungú giri tiqtír um'i kwaáhh.

1 SAMUELI 6:11

Sandakmooduú alqadór AAKOÓ MUNGÚ kuri tsa/aás gawaá gaári, dinkwa nee lakwantír gareeridá' taa tleéhh ar sahaábu nee slaqsayduú adór um'i.

1 SAMUELI 7:13

Gawaá adoorihe múk Filisti kuri arbaá/, tam yaamaá múk Israeli ngaa male kala/ii'iiká, AAKOÓ MUNGÚ múk Filisti guri ilaá/ deelo sleémeero ar Samueli iwa slafi.