1 SAMUELI 5:8 - Biblía Axweesantá Hhohho' ar Mungú 2004

⁸ Naagáy muu kuri ya/aáw, geeraharuusér mukduú Filisti kingiri burumbuúr, tari oó', «Xaysé'! Xoóro, sandakmoowuú alqadór Munguú múk Israeli adór ku laqaan?» Inooín tari oó', «Sandakmoowuú Munguú múk Israeli loohatisaak ay yaamaá Gati.» Sandakmoó alqadór Munguú múk Israeli kuri loohatís ay Gati.

1 SAMUELI 5:8 Iomraidhean Croise

1 QOM'I 7:21

Tahati ina laqwaál Sabadi, Sabadi ina laqwaál Shutela, nee Shutela ina laqwaál Eseri, nee Eleadi. Kuká' an kudá' taa tsuú/ nee yaamuloouusér Gati as hikwaá múk Gati kiwa fiisór áy.

AMOS 6:2

Gimsé', qaytsité' baraá gixsár Kalne, daqaní ta kumitá' ay baraá gixsadá' ur ar Hamati, nee ta baráy /etá' ay yaamaá Filisti dír gixsár Gati. Xáy, inooín an ak tsiníhe ta yaamaá Yuda nee Israeliwo? Xáy, yaamuuín ki úre ta koohunge?

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

YOSHUA 15:11

Diirihe iri /iikú xuú', gongoamaadá' Ekroniro bihhaá /iya gina ar óh, iri harweerín ay Shikroni, iri waaraáhh ar bihhaá tloomár Ba'ala, iri ti'iít ay Yabne'eli, iri hardáh ay tlawtidár Mediteranea.

1 SAMUELI 17:4

Bartá xafayduú múk Filistiro, heé wák oo migusmoó slaqwara nina ti'iít, umuuwós ku bay Goliati, heé gixsár Gati. Inós a heé tleér, tlenaangós a afiqoomoó miíta tám.

1 SAMUELI 17:52

Múk Israeli nee oo Yudawo, tsimahhiro yaamu kiri gaamiís, múk Filisti kuri almaahhaát ay Gati, ay afkú gixsár Ekroni. Múk Filisti oo ta tlaaqaaqán baraá slaqwara wa ale, lohu gina tsataát, iimír Sha'arimu ay Gati nee Ekroni.

1 SAMUELI 29:6

Akishi Daudi guri ateét, guri báy, «Kuúng a heé inkihhím dir'eene tam AAKOÓ MUNGÚ kudá' slaáf ga xuu', amór barte'eene gár hhoo' a tin koomaán baraá slaqwara, asma gár tlaakw ar naa ár i káhh, iimír bál kuúng niwa amor'eé' hardát ay laarí. Tam adoorihe geeraharuuse muner'ín aa ya/aandiiká gawaawoge.

1 SAMUELI 5:11

Gawaá adoorihe muu kuri ya/aáw geeraharuusér múk Filisti sleémeero kari burumbuúr, tari oó', «Sandakmoosuú Munguú xoorór Israeli, hingeesaak, ki/isaak malé ale amoodií dahhi. Asma atén mitiwa tsuú/, tam nee mukrene.» Asma muu wa/aa/ír yaariir guna eér, ar daér gwa'ara baraá gixsa sleémeerowo, asma Mungú ngiwa ló'wa slahh'eemisi.

1 SAMUELI 5:7

Mukduú Ashdodi, adoodá' ngiwa ár, tari oó', «Sandakmoowú alqadór Munguú Israeli xaasé' u ayaaréní mawaanaaká, asma Mungú xoorór Israeli ti slahh'eemiis, atén nee munguúrén Dagoniwo.»

1 SAMUELI 6:2

Inooínadaá múk Filisti kaahamuuse nee iigu'utuseero, kina ateét, ta kaahi, «Adór sandakmoó alqadór Aakoó Mungú ku laqaan? Ado ooare', gár kur alki/isan dirós tidií alé.»