1 SAMUELI 5:1 - Biblía Axweesantá Hhohho' ar Mungú 2004

¹ Xoorór Filisti sandakmooduú alqadór Mungú guri ar tleér iimír didár Eben-eserír wa ale ay Ashdodi.

1 SAMUELI 5:1 Iomraidhean Croise

WARA'AMI 78:61

/Uuruuwós guna máy lawaali'iimárií ale, sandakmoó alqadoorós guna ya/án kuwa hayoohi, xirfuuwós guna haniís baraá dabaá wakuuse.

ISAYA 20:1

Kurkudá' waawutmo Sargoni oo Ashuru geeraharusmoó úr oo slaqwaruuseerós nguwa ya/aáw, tari slaáqw nee gixsár Ashdodi, gari hayóh,

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

Tlehhema'aá ya/Abuuse 8:40

Ala Filipo kuri malé ár baraá gixsár Asótór wa ale, qoomár iwa waaraahhi Ya/abtór hho' gari alki/iít baraá gixsadu sleémeerowo, tam garwa hardáh ay Kaisarea.

YOSHUA 11:22

Hee tumu wák oo tlahhoó Anaki oo aa meet baraá yaamaá Israeli i kaahh, awa niinár tawo dír ni meetiyé' a amór Gasa, nee Gati nee Ashdodi.

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

1 SAMUELI 4:1

Nee axweesantadár Samueli iri tsiyayaaxát baraá yaamaá Israeliro. Qoomaadae múk Filisti iri burumbuurít as tawa slaqwi nee múk Israeli. Xoorór Israeli iri fi'ít as tawa slaqwi nee múk Filisti, xafay'ín kuri tleéhh dír ta bay, Eben-eseri. Múk Filisti xafay'ín guri tleéhh dír ta bay Afeki.

1 SAMUELI 4:11

Sandakmooduú alqadór Mungú kuri ar tláy. Hofni nee Finehasi, daaqaydá' tsár oo Eli, kuri tsuú/.

1 SAMUELI 4:22

Iri ó' «Xirfuuwí aa quútl baraá Israeliro, asma sandakmoó alqadór Mungú kwaa hayóh.»

1 SAMUELI 6:1

Sandakmooduú alqadór AAKOÓ MUNGÚ ina hoót baraá yaamaá Filistír wa ale, afi qoomár slahheeraá faanqw.

1 SAMUELI 7:12

Aluuwo Samueli tlaa/ano guri óh, guri sihhtís tla/ángw Mispa nee Sheni, umuuwós guri báy, Eben-eseri, iri oó', «Tam hamí AAKOÓ MUNGÚ taa alee/iís.»