1 SAMUELI 4:9 - Biblía Axweesantá Hhohho' ar Mungú 2004

⁹ Gimsé', hhawaati'iisé' kuungá' múk Filisti, mutunduwa lawaale tleéhh nee múk Ebrania, adoodá' inooín tar lawaalerhúng, hhawaati'iisé' nee inooín tawa slaqwa'.»

1 SAMUELI 4:9 Iomraidhean Croise

2 SAMUELI 10:12

Ala /atláng, hhawaati'isáng, tawa slaqwaan as mukrén nee as gixsadaá Munguúrén, AAKOÓ MUNGÚ adoodá' atén wa qoom ngi tleehhi, adoodá' inós ngira ár.»

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

1 Korinto 16:13

Kuungá' dalaaé', sihhitano hhe'eesé' baraá haratlintaaorhunge. Kuungá' masók a gurkwa/á', nee masók a múk /uuruú koóm.

HAR'OHUUSE 10:7

Ala AAKOÓ MUNGÚ xoorór Israeli gari i buúhh, giri máy kiwa baali nee múk Filisti nee múk Amoni as kiwa sawaawuti'in.

HAR'OHUUSE 13:1

Aluuwo múk Israeli tlakweema gina malé tleéhh dír geeraá AAKOÓ MUNGUHE, AAKOÓ MUNGÚ múk Filisti guri /uurií haniís oo múk Israeli nguwa sawaawuti'in ar afiqoomár kureeri mibeeri tsiyahhe.

1 SAMUELI 14:21

Naagáy mukduú Ebrania dinkwaárí dirií' nee múk Filisti iimír bál geeraawo, kudá' naa waatlaye' dinkwa nee inooín, ay amór xafaydá' aya gwa harweer, tari haragwaá' dír múk Israeli kuduú dinkwa nee Saulo nee Yonatan.

1 SAMUELI 4:8

A tsaxwaarén! Heé atén ti ba/amís baraá dabaá munguaá aleesleemuú kooma'a a heemá? Munguiiqá' an kudá' múk Misri ngwa faakiye' tsu/utaaro baraá xaanxáy ale ar muxtár da'aweemaá dimbadimbé.