1 SAMUELI 4:3 - Biblía Axweesantá Hhohho' ar Mungú 2004

³ Muu iwa hardáh baraá xafay'ín, bariisér Israeli iri ó', «Ahaá waáy AAKOÓ MUNGÚ atén mista adoorír slaáhh geeraá múk Filistír wa alé? Gusé', sandakmoó alqadór AAKOÓ MUNGÚ u leehhaán Shilo, ngway huwaán amoorí, daqaní AAKOÓ MUNGÚ nee atén ti alkoomaán, nee ti ba/amis baraá dabaá wakuuseerene.»

1 SAMUELI 4:3 Iomraidhean Croise

2 SAMUELI 15:25

Waawutmo Daudi Sadoki guri báy, «Sandakmoosuú alqadór Mungú ki/iseek baraá gixsa. Barnaxés aníng taa ya/án dír geeraá AAKOÓ MUNGUHE, aníng iqo ki/is nee i pa/aángwí sláy, sandakmoó alqadorós nguwa male ar, nee dír hotaawose.

1 QOM'I 17:1

Qoomár Daudi iwa baraá doó waawuti'iimár wa hooti, Daudi aarusmo Natani guna báy, «Ga/aaweek, aníng a hoót baraá doó taa tleéhh ar sahhta, ala sandakmoó alqadór AAKOÓ MUNGÚ i baraá guruú heéma.»

WARA'AMI 74:1

Aakoó Mungú, asma waáy, atén mista sí' ay alhhe'eesáy wasle? Ahaá, buhhtaawók mis xaraasliyá' dír bee/ángw qawtantoge?

WARA'AMI 74:11

Ahaá bareé dakók oo /uuruú koóm ugwa ar kí/, dakók tleeseek gawaaínií ale.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ISAYA 58:3

Ahaá waáy atén gár tas gwaawimaan baré ti ga/eeraaká? Gár atén tis ninawesaan, bare' tiqo gaárií xu'uká? Ga/aawaak, deelór gwaawitorhunge, kuungá' sla'aarirhúng kilós an leelehhitá', nee sagadiyuuserhúng an baramaanusá'.

ISAYA 59:1

Ga/aawaak, dákw AAKOÓ MUNGÚ ku ququmaareeká tam ba/amisaro nuri harslaqaát. Laqaá iaawós i giwiaaká tam iri axaasiiká.

ISAYA 59:2

Ala tlakweemaahúng kuungá' nuna dír Munguúhúng wa paraatliyé' nee dakumisuuhúng gitsee/aawós ngaa lu/iyé', as kiwa aanda'aaká. Gawaá adoorihe inós firorhúng ga axasiiká.

YEREMIA 3:16

Nee qoomár bar aga tlahhé' tay doogiindé' baraá yaamuwo, de'emadae muu sandakmoó alqadór AAKOÓ MUNGÚ ku daanda ooiiká. Ngu baloó inslay'aaká, laqaá ngu baloó yaahasiaaká, tam sleeme oo hatlá' ngu tleehhiaaká.

YEREMIA 7:4

Axweesanaywí oo al/ayma mu harahhifaara', tawa kata', ‹Do'owí oo AAKOÓ MUNGÚ, Doó AAKOÓ MUNGÚ, Doó AAKOÓ MUNGÚ.›

FAARO 10:33

Naagáy tari tláy didár tloomár AAKOÓ MUNGÚ wa ale, deelo tám ta baraá aai, sandakmoó alqadór AAKOÓ MUNGÚ ku geeraaín wa loohiis deelo tám as dír xafay'ín kuy tleehhi kawa laqan.

FAARO 10:35

Umuú daqto qoomár sandakmo bur ku ar tlatláy Mose in ooi, «Aá AAKOÓ MUNGÚ, tlawáng wakuuseerók diya/eek, nee kudá' u ahhiitá' i geeraawók wa guwiye'.»

FAARO 31:6

Mose mukwí kumuú wák oo umuúqo tlahhaay guri ya/aáw baraá slaqwara, dinkwa nee Finehasi garmoó Eleasari, kaahamusmoó Mungú. Inós i xooslár kón ar didá' hhoohhoo', nee tarumbeétár laya kar laqan.

DABE 29:24

Muruuwí bur ngwa ariyé', inooín nee xoordu sleémeero tari ooi, ‹Ahaá waáy, gár AAKOÓ MUNGÚ yaamuuká' ngisa adoorí laáq? Buhhtaá adór kuká' gár i laqaqana' a milá?›

DABE 31:26

«Kitaábuuwí oo dabe taatahhaak, ku qasá' bihhaá sandakmooduú alqadór AAKOÓ MUNGÚ, Munguúhúng. Masók i didá' wa hoot, as tawa lamabu'uungw daanduuhunge.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

Ebrania 9:4

Baraadae kitángw ilahhooa i deer oo taa tleéhh ar sahaábu. Kitaangwí kun ilahhooár mooyángw tsuú í da/aa/an. Gár hatlá' baraadane a sandakmooduú alqado, oo taa ninkiriíts ar sahaábu umuúqo barto. Muruú baraá sandakmoowí a sirwír taa tleéhh ar sahaábu, tidá' muruudá' ta babay maána gu koom, nee hhartá Aroni, tidá' naa harma/, nee tlaa/eedá' tsár awa taa axweesantá alqadór i gooín.

YOSHUA 4:7

Kuungá' ki beera', ‹Sandakmooduú alqadór AAKOÓ MUNGÚ kuwa waarahhamisi yaaér Yordaniro, ma'aá yaaér Yordani nina tla/a qasiitiyé'.› As adoorí tlaa/eeká' an inslaslángw tlehhmuuwí dír xoorór Israeliwo ay kureeraá kureér.»

YOSHUA 6:6

Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»

YOSHUA 7:7

Yoshua iri firín, iri oó', «A tsaxwaarén, xáy Aakoó MUNGÚ, gár atén tisa waarahhás Yordaniro a tin hanísa dír múk Amori as tiwa xooro qwaareesi? Tsiní bar geeraawo aga meetaán gayuú yaaér Yordani.

YOSHUA 7:8

Xáy Aáko, aníng gár ni oo' a milá múk Israeli barnaxés taa goów geeraá wakuuser'ín wa alé?

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.

1 SAMUELI 1:24

Inós iwa /oomés, na/aydá' guna húp dinkwa nee awér tám ar afiqoomár kureeraá tám, nee qwaree/amoó wák oo puurú, nee tlakoó kaahari oo difaaír koóm, muruuwí guri húp ay dír doó AAKOÓ MUNGÚ baraá Shilo. Nee na/aydá' a na/oó niiná.

1 SAMUELI 14:18

Naagáy Saulo Ahiya guri báy, «Sandakmooduú alqadór Mungú diirií huwang.» Asma sandakmooduú Mungú qoomaadae i dír múk Israelirí dirii'.

1 SAMUELI 4:2

Múk Filisti, xoorór Israeli gari tsitsiíhh slaqwaraaro, xoorór Israeli kari baál nee múk Filisti, slawtá múk kume tsiyáhh baraá slaqwaraaro kari hhaamiís.