1 SAMUELI 4:2 - Biblía Axweesantá Hhohho' ar Mungú 2004

² Múk Filisti, xoorór Israeli gari tsitsiíhh slaqwaraaro, xoorór Israeli kari baál nee múk Filisti, slawtá múk kume tsiyáhh baraá slaqwaraaro kari hhaamiís.

1 SAMUELI 4:2 Iomraidhean Croise

WA/AA/I 3:40

Luhduurén ki alqaytaán nee ki aldakwaán, nee ta ki/aán amór AAKOÓ Munguúrén.

TLAHHOÓ LAÁWI 26:37

Tin i huhu'uná' tawo alé adór heé naa goow slaqwarár wa ale, tam heé gi gusisiím i kahhi. /Uuruú niiná ta koondá' i kaahh oo wakuusérhúng kawa bala'.

FAARO 14:45

Naagáy múk Amaleki nee oo Kana'ani, kudá' gawaá yaamaá tlom'aá hootá', tindáy aweér, kiri i haratláy, kingiri baál, kiri guús ay gixsár Horma.

YOSHUA 7:12

Gawaá adoorihe múk Israeli sihhitanór geeraá wakuuser'ín ga baloó aleeslayká. Inooín aqo tan geeraá wakuuser'ín wa gogoow, asma gár naa tleehhiyé' a gár gi hhaamiis. Aníng nee kuungá' a dinkwaarooká ay dír muruudá' taa paraátl as kuwa hhaamisi kway qororo'osa'.

1 SAMUELI 17:21

Slawtá múk Israeli nee ar múk Filisti tiri amohhe'eesiyé' tawa slaqwi, slawtá wák bartós, tiqá' bartós tina haraganaiyé'.

1 SAMUELI 17:8

Goliati iri sihhiít, iri tseé' amór slawtá múk Israeli, iri oó', «Ma tlehha' disinge? Xáy, nina hardatí'i tawa slaqwaan? Aníng a heé múk Filistiwokáhe, nee kuungá' a sagadiyuusér Saulowokáhe? Heé wák tsawaaraak bartahunge oo nee aníng ti ará'.

1 SAMUELI 4:1

Nee axweesantadár Samueli iri tsiyayaaxát baraá yaamaá Israeliro. Qoomaadae múk Filisti iri burumbuurít as tawa slaqwi nee múk Israeli. Xoorór Israeli iri fi'ít as tawa slaqwi nee múk Filisti, xafay'ín kuri tleéhh dír ta bay, Eben-eseri. Múk Filisti xafay'ín guri tleéhh dír ta bay Afeki.

1 SAMUELI 4:10

Múk Filisti iri slaáqw nee xoorór Israeli, xoorór Israeli kari baál, umuú heewo iri goów amór do'ós, múk yaariír kuri hhaamiís, baraá xoorór Israeliro slaqwaruusér taa daáhh a kume mibeeri tám ar ya'ár hi'iimiit baraá slaqwaraaro.

1 SAMUELI 4:3

Muu iwa hardáh baraá xafay'ín, bariisér Israeli iri ó', «Ahaá waáy AAKOÓ MUNGÚ atén mista adoorír slaáhh geeraá múk Filistír wa alé? Gusé', sandakmoó alqadór AAKOÓ MUNGÚ u leehhaán Shilo, ngway huwaán amoorí, daqaní AAKOÓ MUNGÚ nee atén ti alkoomaán, nee ti ba/amis baraá dabaá wakuuseerene.»