1 SAMUELI 4:18 - Biblía Axweesantá Hhohho' ar Mungú 2004

¹⁸ Eli kángw sandakmoó alqadór Mungú nguwa sangw axaás, iri gawaá kitaangós wa alií /aangalaa'aát, dír tliinta, istós iri qét, iri gwaá', asma inós a aakoó aa din, slamí aa wahhaár. Inós múk Israeli guna har'ohín kureeri mibeeri tsiyáhh.

1 SAMUELI 4:18 Iomraidhean Croise

WARA'AMI 26:8

AAKOÓ MUNGÚ, aníng Do'ók kudá' ta hot u slaá', didár xirfuuwók i dirii'i.

WARA'AMI 42:10

Baramaanuuser'eé' i /ooslisliín tlaatla/aangw sleémeero, adór inkaahhoó sooní wa ale, tawa kaahi, «Munguúwók i amá?»

WARA'AMI 42:3

Tlaatla/aangw nee xweeraawo an /aa/amamiím, hhirhheerieé' nay adór muruú /aymar'eé' tleehhitiyé'. Tlaatla/aangw sleémeero muu in yaahamiis tawa kaahi, «Munguúwók i amá?»

WARA'AMI 69:9

Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

HAR'OHUUSE 15:20

Samson tari har'ohusmoó yaamaá Israeli de'emaá múk Filistiro, afiqoomár kureeraá mibeeraá tsare.

1 SAMUELI 4:13

Iwa hardáh naxés, Eli aa iwiít gawaá kitaangós dír afaá loohi, i daamarán, asma muunaáwós ina amooqwaár, daaraxaay gway áy as de'ér sandakmoó alqadór AAKOÓ MUNGÚ. Nee heedaádá' iwa dáh baraá gixsa, kaangw guri oó' muu sleémeero iri tsuunqumiís.

1 SAMUELI 4:17

Heewí kaangwí gwa huuw iri oó', «Múk Israeli aa goów geeraá múk Filistír wa ale, slám múk yaariír kwa tsuú/, tam daaqaywók tsaraawo, Hofni nee Finehasi, kaa tsuú/ sleeme, nee sandakmoó Mungú kwaa hayóh.»

1 SAMUELI 4:19

Slám harér garmoó Eli kudá' ta bay Finehasi a tsiiháy, i looár tleemís. Inós kaangwí oo sandakmooduú Mungú nguwa axás, nee oo gwa'arár taatoó hhawaatuuwós, nee ar hhawaatuuwose iri daanda feehhít, iri tumbarara'át, iri xwayluúr, asma asltá xwayla gana adoodí eér.