1 SAMUELI 4:10 - Biblía Axweesantá Hhohho' ar Mungú 2004

¹⁰ Múk Filisti iri slaáqw nee xoorór Israeli, xoorór Israeli kari baál, umuú heewo iri goów amór do'ós, múk yaariír kuri hhaamiís, baraá xoorór Israeliro slaqwaruusér taa daáhh a kume mibeeri tám ar ya'ár hi'iimiit baraá slaqwaraaro.

1 SAMUELI 4:10 Iomraidhean Croise

2 SAMUELI 18:17

Absalomu kurír tláy kuri kwaáhh baraá bohóngw úr oo baraá gara. Bohongwdá' kuri tlaa/aá yaariír i burumbuúr. Múk Israeli sleémeero tari goów, umuúqo heewo amór do'ós.

2 SAMUELI 18:7

Sagadiyuusér Daudi múk Israeli guri ar bá/. Baalaadae múk yaariír kuna tsuú/. Faarór mukdá' taa tsuú/ a kume mibeeri tsár.

2 SAMUELI 19:8

Naagáy waawutmo nari tláy, iri iwiít dirós tidár dír afkú gixsa. Muu sleémeero ngiwa axaás adór waawutmo ir dír afkú gixsa, inooín sleémeero tari amoorós káy. Qoomaarihe múk Israeli sleémeero taa qaroó goów, umuúqo heewo amór do'ós.

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

1 WAAWITÁ 12:16

Ala muu sleémeero oo Israeli ngiwa axaás adór waawutmo ngira gaárí xuiiká, ngway bayé', «Atén nee doó Daudi alqaati a koomanaaká, gár ta koomaan dír garmoó Yesewo i káhh. Kuungá' múk Israeli, umuú heewo i watli amór do'ós i ale. Kuúng Daudi, do'ók kilók amohhe'emiseek.» Naagáy múk Israeli iri waátl sleémeero amór maray'íní ale.

1 WAAWITÁ 22:36

Qoomár looa iwa darat tari oó', «Umuú heewo i watli baraá gixsarós, umuú heewo i watli baraá ayaawós!»

2 WAAWITÁ 14:12

Múk Yuda kuri baál nee múk Israeli, umuú hee iri waátl amór do'ós.

2 QOM'I 13:17

Abiya nee slaqwaruuseerós slaqwaruusér Israeli kari ló'wa tsuú/. Slaqwaruusér miguuse ar Israeli kaa tsuú/ a kume tsiire kooán.

2 QOM'I 25:22

Múk Yuda kway baál nee múk Israeli, umuú heewo iri goów amór do'ós.

WARA'AMI 78:9

Múk Efraimu oo ga/aldaá koóm, oo maheerír tlaquút, bál slaqwaraaro tana alií kií/ tari goów.

YEREMIA 7:12

Axáy hamí tlawsé' ay dir'eé' tidár baraá Shilo, didá' aáng geeraawo umuueé' ngway qaás, adoodá' didá' ngira hhitiím araak, asma tlakweemaá muk'eé' oo Israeli.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

DABE 28:15

«Ala barnaxes kuúng afór AAKO MUNGÚ, Munguúwók, aga iialooeská, laqaá barnaxes hara'ayaarós sleémeero nee dabeerose, tí laarí ni kah, aga harmagahhká ooharo, naagáy kuúng lo'oorí sleémeero un /ák:

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

1 SAMUELI 3:11

AAKOÓ MUNGÚ Samueli guri báy, «Ga/aaweek gár muu gu dae tsaat an tleéhh baraá Israeliro, tam umuúqo heé ga axaasa iaawós gay oh.

1 SAMUELI 4:2

Múk Filisti, xoorór Israeli gari tsitsiíhh slaqwaraaro, xoorór Israeli kari baál nee múk Filisti, slawtá múk kume tsiyáhh baraá slaqwaraaro kari hhaamiís.