1 SAMUELI 31:2 - Biblía Axweesantá Hhohho' ar Mungú 2004

² Múk Filisti Saulo guna /amatseék nee daaqaywose, Yonatan nee Abinadabu nee Malkishua, daaqaywuú Saulo kuri tsuú/.

1 SAMUELI 31:2 Iomraidhean Croise

2 SAMUELI 1:6

Garmaadá' kaangwí ngwa huuw dirós i ale, iri oó', «Ar gitsee/aawo aníng a baraá tloomár Gilboár i dirií', naxés Saulo lwaalarós gaa i tlintií'. Slám múk gaardu nee farsuúwo ngaa i tsa/an, kuduú wakuuseerós, naa dirós i nakaá/.

2 WAAWITÁ 25:7

Aluuwo daaqaywós kuri tsuú/ dír ilaawós wa alé, inós sleeme kuri ila' tu/ún, alhhe'eesayhe nguri daba' tseegiyé' ar piíngu, nguri huwiyé' ay Babuloni.

1 QOM'I 10:2

Múk Filisti Saulo nee daaqaywose ngiri ohiné'. Múk Filisti daaqaywuú Saulo kuri tsuú/: Yonatan nee Abinadabu nee Malkishua.

1 QOM'I 8:33

Neri ina laqwaál Kishi, nee Kishi ina laqwaál Saulo, Saulo ina laqwaál Yonatan, nee Malkishua, nee Abinadabu, nee Eshba'ali.

1 QOM'I 9:39

Neri ina laqwaál Kishi, Kishi ina laqwaál Saulo, Saulo ina laqwaál Yonatan, Malkishua, Abinadabu nee Eshba'ali.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

1 SAMUELI 13:16

Saulo nee garmaawós Yonatan, nee mukduú dinkwa nee inooín xafay'ín nguna tleehhiyé' amoodár Gebár Benyamini, ala múk Filisti kooín kuna tleéhh baraá Mikmashi.

1 SAMUELI 13:2

Saulo múk kumér tám oo Israeli guna tsawaár, baraá tla/angw'ine múk kumér tsár ta dinkwa nee Saulo, baraadaá Mikmashiro, nee baraá yaamuudaá tlom'i awa Beteli, nee múk kumuú wák ta dinkwa nee Yonatan baraá Gibeár Benyaminiro. Mukdá' aa meet guna watlís, umuúqo heewo iwa ki/i baraá heémarós.

1 SAMUELI 14:22

Qoomár múk Israeli kudaá nahhaát baraá tlom'aá Efraimu, kawa axaás adór múk Filisti ira goów, inooín sleeme ngina aluú wa alfuuruuiyé' ti'iingo baraá slaqwara.

1 SAMUELI 14:49

Daaqoó Saulo a kwí: Yonatan, nee Ishfi, nee Malkishua, nee umér dasuuwós kudá' tsár a tí, umuú tidár baris ku bay Merabu, nee umuú dasír niina ku bay Mikali.

1 SAMUELI 23:17

Yonatan Daudi guri báy, «Ma da'ayumiitaar, baabuúeé' kuúng gár u /iisi i káhh. Kuúng múk Israeli u sawaawuti'iín, nee aníng tari waawutmoó tsár aluuwoge. Tam Saulo baabuúeé' adoorí ga xuu'.»

1 SAMUELI 28:19

Daanduú tisinge slamí AAKOÓ MUNGÚ kuúng nee múk Israeli nu haniis baraá dabaá múk Filisti. Matlo kuúng nee na/iiwoge ni hargwa'á' amor'eé', slaqwaruusér Israeli AAKOÓ MUNGÚ ga dabaá múk Filistirí qaas.»