1 SAMUELI 31:1 - Biblía Axweesantá Hhohho' ar Mungú 2004

¹ Naagáy, múk Filisti tana slaáqw nee múk Israeli, múk Israeli iri goów geeraá múk Filistír wa ale, kiri tsuú/ gawaá tloomár Gilboa.

1 SAMUELI 31:1 Iomraidhean Croise

2 SAMUELI 1:21

«Kuungaá tlom'aá Gilboa, tluwaay miwa tluúw ayahunge, tam qamuhúng mindiwa gaa hamaresiyé' umuú qoomaaro, asma amoosinge gaambuudaá miguuse kaa meetagaás, gaambór Saulo kaa slikiiká ar di/i.

2 SAMUELI 1:6

Garmaadá' kaangwí ngwa huuw dirós i ale, iri oó', «Ar gitsee/aawo aníng a baraá tloomár Gilboár i dirií', naxés Saulo lwaalarós gaa i tlintií'. Slám múk gaardu nee farsuúwo ngaa i tsa/an, kuduú wakuuseerós, naa dirós i nakaá/.

2 SAMUELI 4:4

Yonatan garmoó Saulo, na/oó garma gu kón oo ya'aawós naa sol'omitiye'. Na/aywí ku bay Mefibosheti. Kureriwós a kooán qoomár kángw gwa'arár Saulo nee Yonatan kawa axaás baraá Yesre'eliro. Qoomaarihe umtuso'ór na/aywí ngiwa axás adór Saulo nee Yonatan kira tsuú/ amoodár Yesre'eliro, Mefibosheti guri taatáhh, guri ar góp. Ala qoomár iwa ti'ii'iin ar gaanslaay, na/aywí guri sláx, ya'aá na/aywí niri sol'omiitiyé'.

1 SAMUELI 12:25

Ala bar kumitá' tlehhma'aá tlakwe, a hhaandá' kuungá' nee waawutmoohunge.»

1 SAMUELI 28:1

Afiqooma ina waaráhh, múk Filisti ina burumburiít ta amohhe'eesiyé' as slaqwara, nee múk Israeli. Akishi Daudi guri báy, «Adoorí xu'uti hhe'eeseek kuúng nee mukók dinkwa nee aníng i hariín tawa tlawaan baraá slaqwara.»

1 SAMUELI 28:15

Samueli iri oó' dír Saulo, «Ahaá waáy misa gononoár eér as iwa amoorír gáwtí tsa/ás?» Saulo guri báy, «Aníng a baraá slahh'amú úr, as múk Filisti niwa slaqwarár áy amor'eé', nee Mungú iga alaá xu'ús i mu/aywatsinká ar loohír tlata tam aaruseero. An gár án kuúng usa ateét as kahhó' iwa xu'utis gár aníng wa hariim tleehhamooro.»

1 SAMUELI 28:19

Daanduú tisinge slamí AAKOÓ MUNGÚ kuúng nee múk Israeli nu haniis baraá dabaá múk Filisti. Matlo kuúng nee na/iiwoge ni hargwa'á' amor'eé', slaqwaruusér Israeli AAKOÓ MUNGÚ ga dabaá múk Filistirí qaas.»

1 SAMUELI 28:4

Múk Filisti tari burumburiít, xafay'ín kuri tleéhh baraá Shunemu, Saulo múk Israeli sleémeero guri burumbuúr, xafay'ín kuri tleéhh gawaá tloomár Gilboa.

1 SAMUELI 29:1

Múk Filisti slaqwaruuse kana burumbuúr dír ta bay Afeki, nee múk Israeli xafay'ín guna tleéhh afaá xatsoodaá kutloó koomá' awa yaamaá Yesre'eli.