1 SAMUELI 30:6 - Biblía Axweesantá Hhohho' ar Mungú 2004

⁶ Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.

1 SAMUELI 30:6 Iomraidhean Croise

IIMU/UUNGW 32:7

Yakobo iri ló' wa da'ayuút iri amoqwaár. Mukdá' nee inós dinkwa guri qasiís baraá daqooroó tsár, bee/aangw nee muruú hatlá' nee angamía,

2 SAMUELI 17:8

Hushai iri kumiít axweesanto, «Kuúng a xú' adór baabuúwók nee mukose tar miguuse, nee adór tara qa/imiít buhhtaawo, adór makiito'oodá' ta bay dúbu ar qaa' ar taa na/ii hayóh baraá darmuú wa ale. Slám male ale kuúng baabuúwók un xú' adór tar miguusmoó slaqwarár baál. Inós xweeraawo i qaqtaatinká dinkwa nee mukós ay matlaatle.

2 WAAWITÁ 4:27

Iwa hardát gawaá tloomarí ale dír heé Mungú, guna ya'a ót. Gehasi ina bihhadá' i saáp, as ngiwa hingeesi, ala heé Mungú ina oó', «Maweek, asma i ló'wa slahh'amuú koón. AAKOÓ MUNGÚ gaarí ngaa geerií ooiiká dir'eene.»

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

WARA'AMI 116:10

Aga mune si'iiká haratlintaooro tam qoomár niwa oó', «Aníng a baraá slahha'amkú úr!»

WARA'AMI 138:3

Bál án kuúng uwa ateét, ina mu/aywáts, aníng ina gurkwa/ás iri /uurií hanís baraá muunaáeene.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 18:6

Baraá slahh'amueene AAKOÓ MUNGÚ una ateét, una ateét Munguúeé' as iwa alee/iisi. Afor'eé' gari axaás amór do'ós wa ale. /Aa/ee'eé' nay baraá iaawós i hardihiyé'.

WARA'AMI 25:17

Án ba/amisáng baraá daawitimér muunaáeene, nee iwa tu/ baraá slahh'amaayer'eene.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

WARA'AMI 31:24

Ilakaahareesé', mune hhe'eesé', kuungásingá' sleémeero awa AAKOÓ MUNGÚ harahhifá'.

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:5

Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:7

Aníng iga gurhaamír ar gás, a slaqás nee heé baraá tla/ángw iloó hhaahhoó ma'áy dirií', kwaáo umuú barto ma'aay in gawaeénár ohiná'.

WARA'AMI 56:11

Mungú ugwa harahhiíf, a da'ayuutaaká, hee gár i /iisi a milá?

WARA'AMI 62:1

Aníng Mungú un daamaraám ar qitla, ba/amar'eé' amór i dahh a amoorós.

WARA'AMI 62:5

Aníng Mungú un daamaraám ar qitla, harahhifor'eé' amór i dahh a amoorós.

WARA'AMI 71:4

Munguúeé', án tu/áng, dabaá heé xaraásl nee heé malgusmoowo tu/áng.

WARA'AMI 71:5

Asma kuúng AAKOÓ MUNGÚ a harahhifor'eé', kuúng una haratlintií' iimír masoombi'iimar'eene.

TI'INAANGW 17:4

Mose iri /aá/ amór AAKOÓ MUNGÚ, iri oó', «Mungú, aníng mukwí adór ngu laaq a adoomá? Asma inooín i aníng tlaqutuú wa slaiyá' ar tlaa/e.»

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YONA 2:2

iri oó', «AAKOÓ MUNGÚ, án kuúng una i /aa/amiím as slahh'amuueé', kuúng iri mu/aywáts. Ana baraá gi'ií wa firiím, kuúng afor'eé' kari axás.

FAARO 14:10

Ala dinku'uumadá' sleémeero tlaa/e gina lak taatáhh as mukdá' kuwa tlaquuti. Xirfuú AAKOÓ MUNGÚ niri gaanslár hardáh, heémár Mungú gari tuuntuúk dír geeraá múk Israeli sleémeero wa ale.

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Matayo 27:22

Pilato iri oó', «Ala Yésuuwí ta babay Kristo án adór ngu laaq a adoomá?» Sleémeero tari oó', «Kikieek gawaá msalaába.»

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Rumi 4:18

Qoomár haraxu'uti iwa kahh, inós ina haratlintií' ar haraxu'uti adór inós ir baabuú xoordaá yaariir tleehhiiti, adoodá' kura ádbáy tawa kaahi, «Adoorí an adór xwaylarók ir tlahh.»

Rumi 4:20

Inós al'axweesantá Mungú gaa xurér wa ariiká baloó ale. Ala haratlintaaoorós kana /uurií doók, Mungú guri xirfayeemiís.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

2 korinto 1:6

Atén bar slahh'eemis u slaslaawaán, un slaslaawaán as kahhó' kuungá' gurkwa/asa kawa sleera' nee ba/amaro. Laqaá atén barnaxes gurkwa/amis un slaslaawaán, un slaslaawaán, as kahhó' atén kuungá' gurkwa/amisuuwo nuwa aleeslawaan, as kuungá' /uuru kuwa sleera' oo slahh'eemis kuwa sa qiqtliinda', slahh'eemisuú adór kwí atén ta sa qiqtliimaan.

2 korinto 4:8

Atén bihhe sleémeero ti slahh'eemiis, ala taa tsamemeeiiká, a xuruumitaán, ala tam adoorihe a mune siaanaaká.

2 korinto 7:5

Tam qoomár atén niwa hardahaán yaamaá Makedoniár i aleeró, amohhooa aga slawaaniiká. Ala atén slahh'amu una slawaán umuúqo bihheero. Tsee/aawo gár dáw a gila, baraá muneerene gár dáw a dae.

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»

HAR'OHUUSE 18:25

Múk Dani nguri bayé', «Afoorók tisíng makawa axamiís baraá tla/angwrene, múk buhhtaá koóm muwa i hardáh, kuúng turi af'oh dinkwa nee múk do'ók sleémeero.»

HAR'OHUUSE 20:22

Múk Israeli aa mune si'iiká tiri amohhe'eesiye' bál tsare Gibeár wa alé.

1 SAMUELI 1:10

Hana iri kángw kilá' wa gurhaamút, AAKOÓ MUNGÚ guri firiín ar hhirhheeri.

1 SAMUELI 23:16

Yonatan garmoó Saulo ina tláy ay Horeshi amór Daudi, guri /uurií qaás, adór kur de'én nee Mungú.

1 SAMUELI 28:15

Samueli iri oó' dír Saulo, «Ahaá waáy misa gononoár eér as iwa amoorír gáwtí tsa/ás?» Saulo guri báy, «Aníng a baraá slahh'amú úr, as múk Filisti niwa slaqwarár áy amor'eé', nee Mungú iga alaá xu'ús i mu/aywatsinká ar loohír tlata tam aaruseero. An gár án kuúng usa ateét as kahhó' iwa xu'utis gár aníng wa hariim tleehhamooro.»