1 SAMUELI 30:31 - Biblía Axweesantá Hhohho' ar Mungú 2004

³¹ nee oo múk Hebroni, Daudi mukdá' sleémeero oo baraá gixsaduudá' inós nee mukós tawa hi'iimiít guna qáy sleémeero.

1 SAMUELI 30:31 Iomraidhean Croise

2 SAMUELI 15:10

Ala laatí, Absalomu muu guna qawti ya/aáw baraá tlahh'aá Israeli sleémeero, tari oó', «Kuungá' afór tarumbeéta bara sa axasé', daqaní ta oa', ‹Absalomu a waawutmoó Hebroni.› »

2 SAMUELI 2:1

Alaá kaangwihe, Daudi Aakoó Mungú guri yaahaás, «Xáy, a daqáwa amór gixsár wák baraá gixsadaá Yudawo?» AAKOÓ MUNGÚ guri báy, «Daqáw.» Daudi guri yaahaás, «Gixsár ni kaw a gaalá?» AAKOÓ MUNGÚ guri mu/aywaáts, «Gixsár Hebroni na kaweek.»

2 SAMUELI 2:4

Múk Yuda tari daqáy ay Hebroni, amór Daudi, kuri iimbalaáx ar di/i kuwa waawutmooín wa qaasi. Daudi ngiwa axaás adór Saulo kura foól nee múk Yabesh-gileadi,

2 SAMUELI 4:1

Ishbosheti garmoó Saulo kaangwí nguwa axaás, adór Abneri kura gaás baraá Hebroni, iri munesií', nee múk Israeli sleémeero iri amoqwaár.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

YOSHUA 15:13

Aluuwo Kalebu, garmoó Yefune, kuna yaamaá Kiriat-arba i ka'aás baraá tla/ángw yaamaá tlahhoó Yuda wa ale, ar adoodá' Yoshua kura ádbáy nee AAKOÓ MUNGÚ. Gixsarí ta bay Kiriat-arba gana aál. Arba baabuú Anaki baraá gixsarí gana hoót. Laarí gixsarí kan babay Hebroni.

YOSHUA 21:11

Gixsadaá taa haniís a Kiriat-arba, tidá' ta babay Hebroni (Arbawí an baabuú Anaki). Gixsarí i baraá yaamaá Yuda. Kana haniís dinkwa nee qawtantadá' gixsadá' gaa harwedi.

1 SAMUELI 23:22

Tlawsé' looeemaá diisíng aa i nahhaát slawaare', nee heé ngwaa ar disinge, asma kinga oó' adór inós tar heé ádtlákw.