1 SAMUELI 30:24 - Biblía Axweesantá Hhohho' ar Mungú 2004

²⁴ Daudi iri oó', «Hee inslawayhúng kwisíng gu ya/aám i kaahh. Heedaádá' aa /eet baraá slaqwara nee kudaádá' aa meet dír xooslarén, umuúqo heewo kun qáy ar qeemuú alqoóm nee kuquú heeqá'.»

1 SAMUELI 30:24 Iomraidhean Croise

WARA'AMI 68:12

Waawituú slaqwaruuse in gwaagoow, /ameena baraá maraywo maraando gan qasmís.

FAARO 31:27

Haasaáng qasisaak baraá bohhaá tsár, boohhár wák ar slaqwaruuseedá' slaqwarár daahh, nee boohhár tsár ar dinku'uumár múk Israeli sleémeero.

YOSHUA 22:8

Giri báy, «Hám a watlá' ar daqaari'iimár yaariir, tidá' naa haasaáng wa hubé' amór wakuuserhúng wa alé. Muruuwí qasmiisaak nee hhaeehúng, hikwa nee peésa nee sahaábu nee muqslár sirdaa/aten nee muqslár hatlá' nee tlabaá yaariire.»

1 SAMUELI 22:2

Umuúqo heé baraá slahh'amií dirií', nee umuúqo heé iinár kooma, nee mukdá' sleémeero baraá muner'ine slahhahhaá' tana burumburiít dirós i ale, inós tari geeraharusmooín. Mukdá' aa burumburiit dirós tsiire tsiyáhh ga áy.

1 SAMUELI 25:13

Daudi mukós guri báy, «Umuúqo heewo i siinootin paángarós ngi oohi.» Umuúqo heewo iri siinootín, paángarós gari óh. Daudi sleeme ina siinootín paángarós gay óh. Múk afiqoomoó tsiire tsiyáhh Daudi guri eehár nee múk tsiire tsár ina meét dír xoosla.

1 SAMUELI 30:23

Daudi iri oó', «Aasla'áy, hhaee'eé', barqanti a tleehhanaaká ar muruuwí AAKOÓ MUNGÚ naa haniís. Atén tina de'én ar amohhooa, slawtidá' naa amoorénií haratleer ngiri dabaarén i qaás.»

1 SAMUELI 30:25

Iimír baldá' Daudi hara'ayaarí gana dawa tleéhh baraá yaamaá múk Israeliro ay laarí.