1 SAMUELI 30:20 - Biblía Axweesantá Hhohho' ar Mungú 2004

²⁰ Daudi daqoroó hikwa nee bee/aango ngiri ki/ís, mukós mura' sleémeero ngway idaáhh geeraawós wa ale. Ta axwees ta kaahi, «Muruuwí sleémeero a haasaánguú Daudi.»

1 SAMUELI 30:20 Iomraidhean Croise

2 QOM'I 14:15

Slaqwaruusér múk Yuda sleeme de'eemuusér bee/aangw gana /amatsék, kiri bee/aangw hayóh nee aaraawo nee angamíaro. Nay ki/iyé' ay Yerusalemu.

2 QOM'I 20:25

Waawutmo Yehoshafati nee slaqwaruuseerós nay tlayé', haasaánguú hikwaá yaariir nee daqaari'iima, nee tlabá', nee muruú hatlá' oo tlaxo gawdén, kuri ar tláy. Muruuwí kuna loohiís ar har afiqoomár deelo tám, sleeme kwaa faakiká asma ku ló'wa yaariír.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

1 SAMUELI 30:21

Daudi niri wayaá' amór múk aáng oo tsiire tsár aa geexáy afaá yaaér Besori as niwa slaaqamitiyé' eehariimaro. Múk aáng Daudi nguwa ár nee mukdá' ti kooma' kuri al'áy. Daudi iwa dír mukwí saáp giri taaqweés.

1 SAMUELI 30:26

Daudi iwa kií/ ay Siklagi, bariiseedár Yuda ar mulqeerós gana qeemuú áy, iri oó', «Qeemuuwí naa huúw a kuduú haasaáng oo wakuusér AAKOÓ MUNGÚ.»