1 SAMUELI 30:15 - Biblía Axweesantá Hhohho' ar Mungú 2004

¹⁵ Daudi heé aáng guri yaahaás, «Xáy aníng i laalaqása amór daqtidá'.» Garmaadá' guri báy, «Bar lo'o aga /ák ar umuú Mungú as aníng iwa gaská, sleeme i baraá dabaá aakooeénií qaská, daqaní u huúw.»

1 SAMUELI 30:15 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

ESEKIELI 17:13

Naagáy, heé wák guri waawutmoó wa qaás, oo tlahhoó waawutmo, tina axweesani axaasiyé', guri lo'ór /aymiís. Múk pihh'uumár koóm yaamuudae guna hingeés, gway amór saáw i huúw,

ESEKIELI 17:16

«Anuú Aakoó MUNGÚ a tsáp wa káh, adoodá' nirqo dawa, waawutmoowí i gwaa' baraá yaamaá Babuloni, baraá yaamaá waawutmoodá' inós gwaa qaas baraá waawuti'iima, kudá' lo'oodá' gaa waaqaa' nee al'axweesani ga sii'.

ESEKIELI 17:19

«Gawaá adoorihe, anuú Aakoó MUNGÚ a kah, adór nirqo dawa, asma lo'ór aa /aáy ar umuueé' gana waaqaá', nee al'axweesante'eé' gana sií', ar ló' sakwasleemár hhamhhám ga sláy.

YOSHUA 2:12

Gimsé' daxta lo'o /ayaak ar umuú AAKOÓ MUNGÚ as dooeé' kuwa hhooeemií tlehha' ar adoodá' aníng naa dirhúngií tleéhh, nee layár geehhoo' laqaamaré'.

YOSHUA 9:15

Yoshua al'axweesani gari oó' ar múk Gibeoni kuwa tsu/iiká nee múk Israeli. Bariisér Israeli kaangwí guri ya/aán boo/eesaro.

HAR'OHUUSE 1:24

Mukdá' aa tsatsawuusér ay heeko wák nguna ariyé' naa ti'iít baraá gixsár wa ale, kuri báy, «Na'ás, loohír dahmuú baraá gixsarí laqaamang, atén kuúng u gár hhoóí tleehhaán.»

1 SAMUELI 29:6

Akishi Daudi guri ateét, guri báy, «Kuúng a heé inkihhím dir'eene tam AAKOÓ MUNGÚ kudá' slaáf ga xuu', amór barte'eene gár hhoo' a tin koomaán baraá slaqwara, asma gár tlaakw ar naa ár i káhh, iimír bál kuúng niwa amor'eé' hardát ay laarí. Tam adoorihe geeraharuuse muner'ín aa ya/aandiiká gawaawoge.

1 SAMUELI 30:14

Atén a mukdá' aa slaqwarár ay yaamaá Negebúr Kereti, nee yaamuudá' Yuda dinkwa nee Negebúr Kalebu. Gixsár Siklagi kari da/aán ar asla.»

1 SAMUELI 30:16

Garmaadá' Daudi guna geerahaár ay dír daqtidá' i diri'. Tawa amoodár daqtidií ti'iít, naxés daqtá aáng aa tsiyayaaxát yaamuudaádae, ta /ayín nee ta xufiit, asma haasaánguú tinda huúw yaamaá Filistír wa ale nee yaamaá Yudawo ku yaariír.